اسپیکر و ڈپٹی اسپیکر نا مردم شماری نا ٹیم تیا دہشتگرد جلہو نا مذمت

اسلام آباد : اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی ئسک لکی مروت و ٹانک اٹی مردم شماری نا ٹیم آتون سیکورٹی آ سلوک پولیس کارندہ غاتیا دہشت گرد جلہو نا ترند انگا لوز آتیٹی مذمت ءِ کرینو۔ اوفک جلہو اٹی پولیس کارندہ غاتا جونی نسخان آ ڈکھیائی و است ہسونی ظاہر کرسا غمزدہ خاہوت آتون ہمدردی نا درشانی ءِ ہم کرینو۔ اوفک پاریر کہ غم و ڈکھیائی نا دامشکل ساہت اٹی پدسلوک آخاہوت آتا غم و ڈکھیائی ٹی بریبر نا شریک اُن، دہشت گرد آک انسانیت نا دشمن ءُ و اوفتا ہچ ءُ مذہب اس مفک، دہشت گرد آک دشمن نا ناپاک عزم آتیا عمل کننگ اٹی ءُ و اوتینا ناپاک مسخت آتا دوئی کننگ کن بے گناہ شاری و سیکورٹی فورس آتے شست کننگ اٹی ءُ۔ اوفک پاریر کہ داوڑنا ملک دشمن شرپسند زموار آتا برخلاف کانود نا رداٹ سخت آن سخت کارروائی کننگے و اوفتے دزگیر کرسا کانود نا رداٹ سزاتننگے۔ اسپیکر وڈپٹی اسپیکر اللہ تعالیٰ آن شہید آتا درجہ غاتا بڑزی ٹھپی تازوت دراخ جوڑی و پدسلوک آخاہوت آتے دا بے بدل نسخان ءِ سگنگ کن صبر وجمیل عطا کننگ نا دعا کریر۔

(اے پی پی)