خضدار‘بمب دھماکہ ٹی 2 بندغ زوال‘7ٹھپی مسر

خضدار : خضدار اٹ بمب دھماکہ ٹی 2 بندغ زوال و 7ٹھپی مسر‘ دھماکہ غان گاڈی و ماڑی تے نسخان مس‘ دھماکہ غان علاقہ ٹی خلیس وبھیم تالان مس‘ دھماکہ نا ڈہ رسینگ آ پولیس ہندی انتظامیہ جاگہ غا سر مس و لاش وٹھپی تے ہسپتال آ گدریفے۔ حوال نا رد اٹ سَے شنبے نا نن خضدار نا علاقہ دوتلوار چوک انا خڑک آ دھماکہ نا سوب آن 2بندغ حاجی امان اللہ و نوید ہمو ہند آ زوال کریر وخت اس کہ عبداللہ زہری، علی احمد، شہزاد احمد،شریف اللہ، ممتاز، عمران، محمد حنیف ٹھپی مسر‘دھماکہ غان گاڈی و خڑک انا ماڑی تے نسخان مس‘ دھماکہ ناتوار مُر اسکان ہنا۔ دھماکہ غان علاقہ ٹی خلیس وبھیم تالان مس‘ دھماکہ نا ڈہ رسینگ آ ہندی انتظامیہ پولیس بمب ڈسپوزل ٹیم جاگہ غا سرمس و علاقہ ءِ گھیڑ کرسا لاش وٹھپی تے ہسپتال آ گدریفے۔ المی کارروائی آن گڈ لاش تے اوفتا وارث آتے تننگا‘ مستی کارروائی ہندی انتظامیہ کننگ اٹی ءِ۔

(آن لائن)