کشمیر نا ویل انا ایسری ڈیہہ انا امن و سوگوی کن المی ئِ، اسد قیصر

0

Get real time updates directly on you device, subscribe now.

اسلام آباد(آن لائن )اسپیکر قومی اسمبلی اسد قیصر پارینے کہ آجوئی نا خاطر آن کشمیریک بے کچ قربانی تسنو۔ او پارینے کہ بھارت نا دو تیان شہید مروک آ کشمیری تا دِترک بے مسخت مفسہ۔ او دے مُر اف ہراتم کشمیری نا باتیک تینا حق خودارادیت نا کوشست کن کشمیر اٹ آجوئی نا دے ئِ ٹِک تننگ آ خنگرہ۔ او پارینے کہ کشمیر نا ویل برصغیر نا بشخو پانٹ نا ناپورو آ ایجنڈا ئِ ہرادے بیدس ایسری آن سویلی ایشیاءٹی امن و ایمنی ناممکن ئِ۔ دا خیال آتا درشانی ئِ او یوم شہدائے کشمیر نا وخت آ تینا کلہو اٹی کرے۔ ہرا 13 جولائی آ مچ آ ملک اٹ عقیدت و احترام اٹ اڈ تننگک۔ اسپیکر اسد قیصر پارینے کہ تدوک آ 11 تُو آن کشمیر اٹ بھارت نا فاشسٹ حکومت نا کنڈآن جبری لاک ڈاون برجاءِ۔ ہرانا سوب آن ہزار آ کشمریک شہید مسنو۔ او پارینے کہ کشمیر اٹ تدوک آ 72 سال آتیان ہزار آ لمہ غاک تینا جغر نا ٹِکر تیان زہمی مسنو۔ ایلو بیدادی تا ہچ ئُ مٹ اس اف۔ او پارینے کہ بھارت نا نام نہاد جمہوری حکومت تینا دو تے ہزار آ کشمیری شہید آتا دِتر تیان رنگی کرینے۔ او پارے کہ کرفیو نا سوب آن کشمیری الس نا بنداوی گرج و ہڑدے ئی زند انا کاریمی گڑا تا کمتی مون تروک ئِ۔ او پارے کہ کن خور و دارو نا کاختی نا سوب آن لکھ آ بندغ آک بدحالی نا زند گدریفنگ آ بیوس ئُ۔ ہرانا سوب آن چنا و بزرگ آتا کہنگ نا گمانکاٹم ہرفنگ اٹی ئِ۔ او جہانی برادری آ زور شاغا کہ او کشمیر اٹی بھارت نا کنڈ آن کروک بیدادی تا سختی اٹ نوٹس ئِ ہلیر۔

Get real time updates directly on you device, subscribe now.

Leave A Reply

Your email address will not be published.