علی زیدی ءِ جے آئی ٹی رپورٹ ئِ پیپلزپارٹی نا وزیر اس تسنے‘ فیصل واوڈا

اسلام آباد( آن لائن) بنجائی وزیر آبی وسائل فیصل واوڈا مون آ ایسنے کہ علی زیدی ئِ جے آئی ٹی رپورٹ پیپلزپارٹی نا وزیر تس۔ اسہ ٹی وی سے تون ہیت وگپ کرسا او پارینے کہ اصل گوازی گر علی زیدی ئِ اودے زیات معلومداری مریک، کنا رپورٹ نا رداٹ جے آئی ٹی رپورٹ نا بشخ تینٹ پیپلز پارٹی نا ساڑی وزیر علی زیدی ئِ تس۔ ایلو کنڈآ علی زیدی پارینے کہ کنے جے آئی ٹی رپورٹ پیپلزپارٹی نا وزیر اس تتنے۔ او پارینے کہ ای اُلسی ئُ ساستدان اسے اُٹ۔ بھاز آ بندغ آک کنا اُرا نا ایڈریس ئِ چارہ۔ علی زیدی پارینے مننگ کیک ہموفتے آن اسہ بندغ اس جے آئی ٹی ئِ تروک آ مرے۔ ہرا بے نظیر نا وصیت ئِ آصف زرداری ئِ تسوسُس۔ ای کاغد آتا جاست و پاست اکن تیار اُٹ ولے انت پیپلزپارٹی بے نظیر نا چٹھی ئِ پک کرفک؟ او پارینے کہ سندھ حکومت ہرا رپورٹ ئِ ریلیز کرینے دا اصل رپورٹ اف۔