گوازی گر ایشین والی بال کپ نا تیاری کن ٹریننگ کیمپ اکن خَن توروک
Get real time updates directly on you device, subscribe now.
اسلام آباد (مانیٹرنگ ڈیسک) پاکستان والی بال فیڈریشن نا 7 میکو ایشین والی بال کپ نا تیاری نا بابت اٹ قومی والی بال ٹیم نا گوازی گرتا ٹریننگ کیمپ خلنگ نا پاکستان اسپورٹس بورڈ ءِ سفارش، وگوازی گر ٹریننگ کیمپ کن خن توروک ءُ۔ تدوک آ دے پاکستان والی بال فیڈریشن نا چیئرمین چوہدری محمد یعقوب سرکاری خبر رساں ادارہ سے تون ہیت وگپ کرسا پارے کہ 7 میکو ایشین والی بال کپ 30 اگست آن 6 ستمبر اسکان تھائی لینڈ یا ویت نام اٹ گوازی کننگک و جاگہ نا گچین کننگ منہ دے آن پد فائنل مریک۔ او پارینے کہ ایونٹ اٹ ایشیائی کہول نا ٹاپ ہشت ٹیم بشخ ہلیرہ۔ او پارینے کہ ایونٹ نا تیاری تا بارواٹ قومی ٹیم نا گوازی گرتیکن ٹریننگ کیمپ خلنگ نا بابت اٹ پاکستان اسپورٹس بورڈ ءِ چٹھی اس نوشتہ کرینو او اوفتا کنڈآن داسکان کن ورندی نا اتنظار اٹ تولوک ءُ۔