ڈاکٹر، پیرامیڈیکس وایلو طبی کارندہ غاک ننا ہیروکءُُ‘ملک عبدالمنان ترین

0

Get real time updates directly on you device, subscribe now.

ہرنائی (آن لائن) پاکستان مسلم لیگ (ن) ضلع ہرنائی نا ضلعی صدر ملک عبدالمنان ترین پارینے کہ ڈاکٹر، پیرامیڈیکس وایلو طبی کارندہ غاک ننا ہیروک ءُ‘ کورونا نابرخلاف جنگ اٹ مسلم لیگ ن اوفتتون اوار ءِ‘ پارٹی نا بنجائی صدر و قائد حزب اختلاف شہباز شریف ناکنڈآن مچ آ ملک خاص وڑ اٹ بلوچستان نا جتا جتا ضلع و کوئٹہ نا ڈاکٹر وطبی کارندہ غاتیکن رکھی کٹ راہی کننگ جوان ءُ عمل اسے۔ دا خیال آتا درشانی ءِ او شہباز شریف ناکنڈآن ضلع ہرنائی نا طبی کارند غاتیکن راہی کروک رکھی کٹ آتے ڈسٹرکٹ ہیلتھ آفیسر ڈاکٹر عبدالرشید ناصر و پیرامیڈیکل اسٹاف نا ضلعی صدر حاجی عبدالودود ترین ءِ تننگ نا وخت آ میڈیا تون ہیت وگپ کرسا کرے۔داوخت آ پارٹی نا عہدیدار نورمحمد شاہ، خلیل شاہ، عدنان کاکڑ وایلوفک ہم ساڑی ئسر۔

Get real time updates directly on you device, subscribe now.

Leave A Reply

Your email address will not be published.