پیپلز پارتی چنکا صوبہ غاتا ویل آتیا چکار کننگ ءِ، ساجد طوری

کوئٹہ : بنجائی وزیر اوورسیز پاکستانی و شونداری انسانی وسیلہ ساجد حسین طوری پارینے کہ پاکستان پیپلزپارٹی چنکا صوبہ غاتا ویل آتے ایسر کننگ آ خاص چکار کننگ اٹی ءِ، پارٹی تینا دور ءِ اقتدار اٹی بلوچستان نا الس تون مستین اٹی مروک آ زیادتی تیا نئے بیرہ معافی خواہس بلکن آغاز حقوق بلوچستان پیکج نا رداٹ خوانوک آ ورناتے روزگار ہم فراوان کرے، بنجائی حکومت اٹی پاکستان پیپلزپارٹی سیوتی جماعت مننگ نا ناطہ الس ءِ آسراتی تا فراوانی کن ہرممکن کوشست کننگ اٹی ءِ۔ داہیت ءِ او سے شنبے نادے آ پاکستان پیپلزپارٹی بلوچستان نا جنرل سیکرٹری روزی خان کاکڑ، سیکرٹری حوالکاری سردار سربلند جوگیزئی نا کماشی ٹی صوبائی و چندی ونگ آتا عہدیدار آتون اوڑدہی ٹی گپ وتران کرسا پارے۔ داوخت آ ڈپٹی سیکرٹری حوالکاری حاجی قاسم اچکزئی، ملک ذیشان، فنانس سیکرٹری ملک حمید کاکڑ، رابطہ سیکرٹری حاجی ربانی خلجی، ڈپٹی جنرل سیکرٹری حاجی خان محمد بڑیچ، ثناء اللہ جتک، آفس سیکرٹری اختر بلوچ، میڈیا کوآرڈی نیٹر حیات خان اچکزئی، ارباب اسد، صوبائی کونسل نا باسک انجینئر ہادی عسکری، سپورٹس ونگ انا صدر شہزادہ کاکڑ، ندیم آفریدی، ملک سمندر خان کاسی، ڈپٹی میڈیا کوآرڈی نیٹر اخترشاہ مندوخیل، لیبر ونگ انا صدر شاہجہان گجر، غفور جعفر، عصمت کاکڑ، زالبول ونگ انا پروین مینگل، پاکستان پیپلزپارٹی بلوچستان زالبول ونگ انا نائب صدر وفوکل پرسن ورکرز ویلفیئر بورڈ اسکولز ماہ جبین خالد جمالی، سکینہ عبداللہ ئسک ساڑی ئسر۔ بنجائی وزیر ساجد حسین طوری ءِ پاکستان پیپلزپارٹی نا صوبائی و ونگ انا عہدیدار آک صوبہ ٹی پارٹی ءِ مون تروک ویل و چندی محکمہ غاتا بارواٹی سلاہ تیان معلومدار کریر۔ بنجائی وزیر ساجد حسین طوری پارے کہ سیوتی جماعت آک ہراوخت بنجائی حکومت ءِ سنبھالار ہمووخت آ پی ٹی آئی نا نابودی نا سوب آن ملک خواتہ مننگ نا خڑک سرمسوسس حکومت اٹی اوار جماعت آک تینا سیاست ءِ گہیو تخسا سخت فیصلہ کریر ہرانا سوب آن ملک خواتہ مننگ آن بچا۔ اوپارے کہ بنجائی حکومت اٹی سیوتی جماعت مننگ نا ناطہ پاکستان پیپلزپارٹی نا پبی کوشست مسنے کہ الس ءِ ریلیف فراوان کننگے۔ اوپارے کہ پاکستان پیپلزپارٹی ہراتم آ برسراقتدار بس تو الس ءِ آسراتی تا فراوانی ءِ پک کرے پارٹی تینا دور ءِ اقتدار اٹی چنکا صوبہ غاتے این ایف سی ایوارڈ تس بلوچستان نا الس تون مروک آ زیادتی تیا نئے بیرہ معافی خواہس بلکن آغاز حقوق بلوچستان پیکج نا رداٹ خوانوک آ ورناتے روزگار ہم فراوان کرے ہندا سوب ءِ کہ اینو بلوچستان نا سیاسی سرکڑدہ غاک پاکستان پیپلزپارٹی ٹی اوار مننگ اٹی ءُ، و انشاء اللہ بروک آ لس گچین کاری تیٹی پیپلزپارٹی نئے بیرہ بلوچستان بلکن مچ آ ملک آن بھلو گیشتری اسے اٹ سرسہبی دوئی کیک۔ اوپارے کہ پارٹی صوبائی و ونگ انا عہدیدار آک ہراویل آتا ذکر ءِ کرینو اونا پبی کوشست مریک کہ دا ویل آتے ایسر کننگے۔

(اے پی پی)