سریاب ڈٹ آ کاریم اٹ تَل وَل، زموار آتا برخلاف کاروائی نا پرمان

0

Get real time updates directly on you device, subscribe now.

کوئٹہ (خ ن) وزیراعلیٰ بلوچستان جام کمال خان سریاب روڈ کوئٹہ نا جوڑ کننگ نا ڈٹ آ عمل درآمد اٹ سٹی ہُرے کننگ آ مسکوہی کمشنر کوئٹہ نا برخلاف انکوائری نا پرمان کرینے۔ وزیراعلیٰ کوئٹہ شونداری پیکیج و شار انا زیبائی نا بابت ڈٹ آتا پیش رفت آ تروک آ بریفنگ اٹی انکوائری نا پارت کرے۔ او اوستہ محمد روڈ نا جوڑ کننگ ءِ دہ بشخ آتیٹی بشخ وپانٹ کننگ آ اُست ہسونی نا درشانی ءِ کرسا دانا انکوائری نا پرمان کرینے۔ ہڑتوم آ انکوائری تے وزیراعلیٰ معائنہ ٹیم کیک۔ وزیراعلیٰ کوئٹہ شونداری پیکیج اٹ اوار انگا روڈ آتا جوڑ کننگ نا ڈٹ آ عمل درآمد اٹ تَل ول آ ترندی نا درشانی ءِ کرسا پارینے کہ ڈٹ آتیٹی سٹی تَل وَل کننگ، حکومت نا فنڈ و وقت انا زیان ہچ ءُ وڑ اسے ٹی سگنگ مفک۔ صوبائی وزیر لائیو اسٹاک مٹھا خان کاکڑ، چیف سیکرٹری بلوچستان کیپٹن ریٹائرڈ فضیل اصغر، چیئرمین وزیراعلی انسپکشن ٹیم حیدر علی شکوہ، ایڈیشنل چیف سیکریٹری ڈٹ بندی و شونداری عبدالصبور کاکڑ، اسپیشل سیکرٹری ٹو وزیراعلیٰ اسفندیار بلوچ،  سیکرٹری خزانہ پسند خان بلیدی، سیکرٹری روڈز سلیم اعوان، سیکرٹری حوالکاری شاہ عرفان غرشین، کمشنر کوئٹہ ڈویژن اسفندیارکاکڑ، ڈی جی اینٹی کرپشن و ایلو کمامدار آک دیوان اٹ بشخ ہلکر۔ وخت اس کہ ڈٹ انا  پراجیکٹ ڈائریکٹر کمشنر کوئٹہ دیوان ءِ بریفنگ تس۔

Get real time updates directly on you device, subscribe now.

Leave A Reply

Your email address will not be published.