جنگ اٹی مچ آ قوم سیکورٹی فورس آتتون سلوک ءِ، وزیراعظم

اسلام آباد، وزیراعظم محمد شہباز شریف پارینے کہ دہشت گردی نا برخلاف جنگ اٹی مچ آ قوم تینا بہادر سیکورٹی فورس آتتون ہم کوپہ سلوک ءِ، نائب صوبیدار ہدایت امان وطن نا سیم تا دفاع ٹی بہادری و فرض شناسی نا عظیم درور اس جوڑ کرے۔ وزیراعظم ضلع کرم اٹی پاک اوغان سیم آ دہشت گرد آتا پترینگ گیگ نا کوشست ءِ بے سہب کننگ آ سیکورٹی فورسز آتا ستا ءِ کرے۔ وزیراعظم دہشت گرد آتا برخلاف کارروائی ٹی نائب صوبیدار ہدایت امان نا شہادت آ بھاز ڈکھ و ارمان نا درشانی ءِ کرسا شہید نائب صوبیدار ہدایت امان ءِ وطن نا دفاع ٹی جان ندر کننگ آ خراجِ عقیدت پیش کرسا پارے کہ نائب صوبیدار ہدایت امان وطن نا سیم تا دفاع ٹی بہادری و فرض شناسی نا عظیم درور اس جوڑ کرے۔ وزیراعظم شہید نا خاہوت تون ہمدردی و است ہسونی نا درشانی کرسا شہید نا درجہ غاتا بڑزی کن دعا کرے۔ وزیراعظم ضلع کرم اٹی دہشت گرد آتا پترینگ گیگ ءِ بے سہب کننگ و 12 خوارج و اوغان طالبان تے خلنگ آ سیکورٹی فورس آتا کسبی لائخی تا ستاءِ کرے۔