رکھی گام گیج نا گرج ءِ، مائیکروسمارٹ لاک ڈاون نا کنڈ آ کانہ، اسد عمر

اسلام آباد ( آن لائن) بنجائی وزیر ڈٹ بندی و شونداری اسد عمر پارینے کہ اسمارٹ لاک ڈاون آن پد مائیکرواسمارٹ لاک ڈاون کینہ۔ پام انا گرج ءِ، بل گیٹس و وولکن بوزکر ہم پاکستان نا ستا ءِ کرینو، ملک اٹ کورونا وائرس اسُل چٹتنے، کیس آتیٹی کمتی آ سرسہبی نا پڑو کپنہ، گچین آ ڈٹ بندی نا جوان ءُ نتیجہ مون آ بسر، دَین اٹ کمتی تون اوار پابندی تے ہم کم کننگا۔ بنجائی وزیر اسد عمر میڈیا بریفنگ ترسا پارینے کہ اُلس نا کنڈآن ہندن بننگ اٹی اُن کہ کورونا ایسر مس، کورونا وائرس اسُل چٹتنے، مچ آ ملک اٹ کورونا کیس آتیٹی کمتی بسنے، امپیریل کالج نا رپورٹ اٹ پاننگانے کہ پاکستان اٹ 10اگست آ زیات کہنگ مریک و 78ہزار زوال مننگ کیک، جوامپیریل پارینے کہ دانا مقابلہ ٹی کل 15 زوال مسنو، ننکن ہندا پانزدہ زوالی ہم زیات ءُ افسوسناک ءُ۔ نن ہچ ءُ سرسہبی اس ڈکلیئر کننگ اٹی افن، کورونا داسہ چٹتنے، داڑان نن دو آ دو ءِ تخنگ و تولنگ کپنہ۔ پاکستان کل کیس آک 2 لکھ 85ہزار کچ ءِ، ٹریک ٹریس آن کل 48 درسد ٹیسٹ کننگا و 38 درسد کیس آک ہندا نظام نا نتیجہ ءِ، اسہ ناجوڑ ءُ بندغ اسے نا کمک اٹ نن 10 بندغ آتسکان سر مسونن۔ بنجاہ، صوبہ و ملٹری مخ تفی آن کل دَین نا برخلاف اواری ٹی کاریم کرین۔ نن جون اٹ سمارٹ لاک ڈاون کرین۔ ہندن نن جون اٹ اسمارٹ لاک ڈاون کرین، بھارت شش ہفتہ ٹی مچ آ ملک ءِ بند کریسُس، 2350اسمارٹ لاک ڈاون کرین، اسہ وخت اس ہندن ءُ ئس کہ ہراتم ہر علاقہ ٹی 800 اسکان اسمارٹ لاک ڈاون کننگاکہ، داسہ ہم 20 ضلع غاتے ٹی لاک ڈاون کننگ انگ ءِ۔