بلوچستان، پر تیان 13 بندغ زوال، 12 ضلع حساس گوندنگار

کوئٹہ (آ ن لائن)بلوچستان اٹ طوفانی پر تیان پین 3 بندغ زوال، تدوک آ مسہ دے اٹ4 چنا و 2 نیاڑی تون اوار13 بندغ مروک آ پر تیان زوال وخت اس کہ 7 بندغ ٹھپی مسنو، پر تیان جھل مگسی ، جعفر آباد ، خضدار ، ہرنائی و ایلو ضلع غاتے ٹی 861 مکان بھس وخت اس کہ 46مکان تے نسخان رسینگانے، چندی علاقہ غاتے ٹی 8قومی شاہراہ و 2پل ءِ نوکاپ نا دیر درے۔ وخت اس کہ مسہ ڈیم ہم پر تیان مسنو۔ پی ڈی ایم اے نا رداٹ بلوچستان اٹ پر تیان پین مسہ بندغ تپاخت کرینو دا وخت اسکان نیاڑی و چنا تتون اوار 13 بندغ زوال مسنو۔ داڑان بیدس چندی شکست آتیٹی 7 بندغ ٹھپی مسنو، پر تیان ڈیرہ بگٹی، خضدار، کوہلو ،جعفرآباد،کیچ ،چاغی و بارکھان اٹ زوال آک مسنو۔ صوبہ ٹی مروک آ پر تیٹی 8قومی شاہراہ و 2پل ءِ نوکاپ نا دیر درینے وخت اس کہ مسہ ٹیم ہم پر تیان زہمی مسنو، صوبائی ڈیزاسٹر مینجمنٹ اتھارٹی (PDMA) نا رداٹ بشام نا پر تیان صوبہ نا ضلع جھل مگسی ، جعفر آباد ، خضدار ، ہرنائی و ایلو ضلع غاتے ٹی 861 مکان بھس وخت اس کہ 46مکان تے نسخان رسینگانے۔ مروک آ پر تیان 861مکان ہرافتے ٹی کل آن زیات جعفرآباد اٹ 700 وخت اس کہ جھل مگسی ٹی 136مکان پورو وڑ اٹ بھس مسنو داڑان بیدس 46مکان تے ہم نسخان رسینگانے، پی ڈی ایم اے نا پڑو و حساب نا رداٹ پرک بلوچستان اٹ 3 ڈیم ، 2 پول و 8 مواصلاتی سڑک آتے نسخان تسنو۔ منہ دے اٹ ترند انگا پرک بلوچستان نا25 ضلع غاتے زہمی کریر، ولدا ہم صوبہ ٹی بشامی پر تا سوب آن صوبائی حکومت 12 ضلع غاتے حساس پن کریسُس۔