یوروپا فٹ بال کپ نا کوارٹر فائنل لائن اپ پورو

لندن (مانیٹرنگ ڈیسک)یوروپا فٹ بال کپ نا کوارٹر فائنل مرحلہ 10 اگست آن بنا مریک، ٹورنامنٹ نا کوارٹر فائنل لائن اپ پورو مسنے، شخٹر ڈونیٹسک، باسل، مانچسٹر یونائیٹڈ، کوپن ہیگن، انٹر میلان، بایر لیورکوزن، وولور ہیمپٹن وانڈرس و سیویلا نا ٹیمک ٹاپ ایٹ راؤنڈ اٹ سر مسنو۔ یوروپا فٹ بال کپ نا 49 میکو ایڈیشن کوارٹر فائنل راؤنڈ اٹ پترینگانے او شختر ڈونیٹسک، باسل، مانچسٹر یونائیٹڈ، کوپن ہیگن، انٹر میلان، بایر لیورکوزن، وولور ہیمپٹن وانڈرس  و سیویلا نا ٹیمک ٹاپ ایٹ راؤنڈ اٹ سر مسنو۔ ٹاپ ایٹ مرحلہ ٹی سر مروک آ ٹیم تا نیام اٹ ٹورنامنٹ نا کوارٹر فائنل مرحلہ 10 اگست آن بنا مریک و 11 اگست آ ایسر مریک۔ 10 اگست آ اِرا کوارٹر فائنل میچ گوازی کننگک۔ اولیکو کوارٹر فائنل میچ مانچسٹر یونائیٹڈ و کوپن ہیگن نا ٹیم تا نیام اٹ گوازی کننگک وخت اس کہ ارٹمیکو کوارٹر فائنل میچ انٹر میلان و بایر لیور کوزن نا ٹیمک مون مقابل مریرہ۔ 11 اگست آ مسٹمیکو کوارٹر فائنل میچ اٹ شخٹر ڈونیٹسک و باسل نا ٹیمک مون مقابل مریرہ وخت اس کہ چارمیکو و گڈیکو کوارٹر فائنل میچ وولور ہیمپٹن وانڈرس و سیویلا نا ٹیم تا نیام اٹ گوازی کننگک۔ یات سلے کہ ٹورنامنٹ اولیکو سیمی فائنل میچ 16 اگست وخت اس کہ ارٹمیکو سیمی فائنل میچ 17 اگست آ گوازی کننگک۔ ٹورنامنٹ نا سرسہبی نا فیصلہ 21 اگست آ مریک۔