وزیراعظم نا جہانی راہشون و مالیاتی ادارہ غاتیان پد تموک ملک آتا کمک نا خواست
Get real time updates directly on you device, subscribe now.
اسلام آباد (مانیٹرنگ ڈیسک) وزیر اعظم پاکستان عمران خان جہانی مالیاتی ادارہ، جہانی راہشون تیان و اقوام متحدہ غان خواست کرینے کہ اوفک وسیلہ غاتا کمتی نا گواچی، وامدار پد تموک ملک آتے کورونا دین انا چیلنج تون مون تننگ کن کمک کن لائحہ عمل اس جوڑ کیر۔ وزیر اعظم دا خواست ءِ انگلش بولی ٹی ریکارڈ مروک اسہ گونڈ ءُ ویڈیو بیان اسے ٹی کرے۔ دا بیان سرکاری ٹی وی آ شینک کننگا۔ وزیر اعظم نا پاننگ ئس کہ شوندار ملک و پد تموک ملک آتیٹی کورونا نا مون ءِ توننگ نا جتا جتا رد عمل مون آ بسنو۔ شوندار ملک آتیان چَپ پد تموک ملک آتیٹی گام گیج تون اوار اوار مخلوق ئِ بین آن کہنگ آن ہم بچفوئی ءِ۔ انتئے کہ داڑے کورونا نا چیلنج تون اوار اوار زرگزران نا ویل آک ہم اریر۔