ایران حوثی تا کمک اٹ بحیرہ احمر آ کنٹرول نا خواہندار ءِ، یمنی سفیر

دوحہ، یمن نا قطر اٹی سفیر راجح بادی دا دوبہ خلکنے کہ یمن اٹی دووارہ بنا مروک جنگ انا پد اٹ ایران نا دو ءِ و او حوثی باغی تے کاریم اٹ اتسا بحیرہ احمر نا بحری کسرتیا تینا کنٹرول ءِ سوگو کننگ خواہک۔ یمنی سفیر جنگ انا بنا کننگ نا زموار حوثی تے گوندسا پارے کہ دا ٹولی بحیرہ احمر تون اوار اہم و اسٹریٹجک علاقہ تیا کوزہ کننگ خواہک۔ بادی پارے کہ ایران و حوثی تا نیام اٹی تعلقداری داسہ ہچ ءُ راز اس سلتنے، تہران حوثی تے تینا بچوک آ زور انا وسیلہ نا وڑ اٹ پین سوگو کننگ آ زور شاغنگ اٹی ءِ۔ بادی مستی پارے کہ اگہ ایران نا بابت دا دعویٰ راست ءِ کہ او آبنائے ہرمز و باب المندب آ کنٹرول تخک، تو دا حالیت جوہری سلہہ نا کوڑی آن زیات واکدار پک مننگ کیک۔