اردن اٹی امریکی بلیک ہاک ہیلی کاپٹر آتے پین ہند اسے آ گدریفنگ نا بنا

عمان، اردن اٹی امریکی فوج السلطی ایئربیس آن بلیک ہاک ہیلی کاپٹر آتے پین ہند آتیا گدریفنگ بنا کرے۔ درملکی میڈیا و انٹیلی جنس رپورٹ تا رِد اٹ گمان آن چَپ ہیلی کاپٹر آتے بال کننگ نا جاگہ غا پورو حالیت اٹی فلیٹ بیڈ ٹرک تا کمک اٹ گدریفنگ انگ ءِ۔ دا گام ہندن ءُ وخت اسے ٹی مون آ بسنے ہراتم امریکہ و ایران نا نیام اٹی دراست عسکری چک و تاڑ نا سوب آن ڈیہہ اٹی حالیت بھاز حساس ءِ و امریکی تنصیبات آتیا میزائل و ڈرون جلہو تا گمان ءِ۔ دفاعی چاہندار آتا رِد اٹ ہیلی کاپٹر تے گدریفنگ نا مسخت اوفتے گمانی ایرانی میزائل و ڈرون جلہو تیان رکھنگ و امریکی عسکری میرات آتے جتا جتا ہند آتیا تالان کننگ مننگ کیک۔ دا گمان ہم درشان کننگ انگ ءِ کہ منہ ہیلی کاپٹر داسہ نا جلہو آتے ٹی ڈیمبری یا ایلو نسخان تا سوب آن تینٹ بال کننگ کپسہ۔