ہراسمنٹ ایکٹ نا رداٹ نیاڑی تا حق آک خوندی ءُ، سائرہ عطاء
Get real time updates directly on you device, subscribe now.
اوتھل، کمشنر لسبیلہ ڈویژن سائرہ عطاء پارینے کہ وزیراعلیٰ بلوچستان سرفراز بگٹی نا وژن نا رِد اٹ حکومت بلوچستان ہراسمنٹ ایکٹ 2016 نا کمک اٹ زالبول آتا حق آتا رکھ اکن گچین کڑد ادا کننگ اٹی ءِ، مسڑ طالب علم آن بے خلیس آن تعلیمی سفر ءِ برجا تخر، اسہ ادارہ اسے ٹی ہم ہراسمنٹ کیس پک مننگ آ سرکاری آفیشل ءِ ملازمت آن اینک کننگک۔ دا ہیت آتے او کیریئر کونسلنگ نا بابت لسبیلہ یونیورسٹی ٹی اڈ ہلوک سیمینار آن تران کرسا کرے‘ کمشنر لسبیلہ ڈویژن پارے کہ نن بحیثیت سیکرٹری وومن ڈیولپمنٹ میرات اٹی زالبول آتے اوفتا حق تننگ کن کانود سازی کرین‘ لیگل فریم ورک نا کمک اٹ زالبول آتے واکدار کننگ و اوفتا رکھ اکن عملی گام گیج کرین، تعلیمی درسگاہ تیٹی مسڑطالب علم آک بے خلیس مرسا تینا تعلیم ءِ برجا تخر، انتظامیہ اوفتے ٹیکنیکل ایجوکیشنل گائیڈ لائن تون اوار یونیورسٹی فیکلٹیز ءِ ہم کمک فراوان کیک۔