پاکستان، ترکیہ و سعودیہ نادفاعی معاہدہ غان ایران ءِ خطرہ اف،ایرانی وزارت خارجہ

تہران، ایرانی وزارتِ خارجہ نا ترجمان اسماعیل بقائی پارینے کہ پاکستان، ترکیہ و سعودی عرب نا نیام اٹی دفاعی معاہدہ غان ایران ءِ ہچ ءُ خطرہ اس اف، امریکی سیکورٹی نا بے سہبی آن پد ڈیہہ اٹی پوسکن آ دفاعی معاہدہ غاک مننگ اٹی ءُ۔ میڈیا تون ہیت وگپ کرسا او پارے کہ تین پہ تینی معاہدہ غاتا خلاف ورزیک برجا سلیسر تو ہچ ءُ مذاکرات اس مفک‘ امریکی سیکورٹی نا بے سہبی آن پد ڈیہہ اٹی پوسکن آ معاہدہ غاک مننگ اٹی ءُ۔ او مستی پارے کہ اگہ مسٹمیکو واک نیام تمپ تو آبناءِ ہرمز ءِ ملنگ کن کسر پیش تمنگ کیک۔ امریکہ نیامی دے تک اٹ بے چیٹی نا زموار ءِ۔ ترجمان پارے کہ ڈیہہ انا ملک آک ایران نا برخلاف تینا ڈغار ءِ کاریم اٹ الیپس پوسکن آ علاقائی سیوت پاش کیک کہ امریکی سیکورٹی نا گارنٹی آ پت کننگ مفک۔ او پارے کہ ڈیہہ انا ملک آک ہیل کرینو کہ سیکورٹی دروغ تڑ آ بروکر آتیان ہلوک ءُ گڑاس اف بلکن راستکی تیا تالان و دشمن نا درستی راستی کروک آ ہر معاہدہ علاقائی سلامتی کن اہم ءِ۔ ترجمان پارے کہ جوان سج پام اٹ ڈیہہ اٹی بے چیٹی ءِ توننگ مریک۔