پر تیان بلوچستان اٹ بھلو بھسکاری اس مس، حکومت بے چکار ءِ، اختر مینگل

اسلام آباد(آن لائن) قومی اسمبلی نا باسک سردار اختر مینگل تدوک آ دے قومی اسمبلی دیوان اٹ تینا خیال آتا درشانی ءِ کرسا پارینے کہ مروک آ پر تیان مچ آ ملک اٹ و خاص کر بلوچستان اٹ نسخان مسنے، سڑک آک مالو آن مفننگ نا کچ اٹی ءُ اخس کہ ئسرہ اوفک ہم بھس مسر، فصل آک بھس، خلق آتا خلق آک بھس مسنو، افسوز مریک حکومت نا بے حسی ءِ، اگہ پڑو مسکہ کہ گیس یا تیل پیش تمانے تو وزیرک رمب کریرہ ہنارہ ، سی پیک نا ڈٹ اسے نا پڑو مسکہ تو صدر وزیراعظم ہم اوڑے مسرہ، ولے ننا لاش تیا ہچ ءُ ہوغوک اس اف، خدا غا ہُربو بلوچستان اٹ چنکو ڈیم جوڑ کبو، منہ سال مست 8 اگست آ بلوچ وکیل آتا بھلو کچ اس بمب جلہو اسے ٹی خلنگار، 8 اگست نا کمیشن نا نتیجہ ہم ہمو پیش تما ہرا حمود الرحمن کمیشن نا مون آ بس، مگہ کوئٹہ دھماکہ غا جوڑ مروک آ کمیشن نا رپورٹ ایوان اٹ پیش مس، او پارینے کہ اسہ چُناسے زموار جوڑ کننگا دا ہم پاننگے کہ او چُنا نا پد اٹ دیر ئس او کمیشن نا رپورٹ ءِ داڑے پیش کننگے، اختلاف رائے تخوک آتے ملک دشمن و غدار پن کننگک، جوانی تو دادے کہ اسہ قرارداد اس انتگے دا ایوان اٹ اختلاف تخپننگ نا موکل اف، ولے اختلاف تخنگ کن ننے ہچ ءُ سرٹیفکیٹ اسے نا گرج اف، نہ نن شونداری کاریم کننگ کین او نہ نن تران کننگ کین تو ننا ٹیمبو جوڑ کرسا ہندا نشست آتیا تخنگے، اختلاف تخوک آتیان اسٹ ءِ ایجنٹ پاننگے تو ولدا ای اسہ بھلو مہشون اس ایتوہ ہراٹی ایجنٹ آتا پنک نوشتہ ءُ۔