طالبان تا پیش گامی، بھارت قندھار نا قونصل خانہ ءِ بند کرے

کابل :  اوغانستان اٹی طالبان تا پیش گامی تے ہُرسا بھارت قندھار نا قونصل خانہ ءِ بند کرینے۔ بھارتی میڈیا نا رد اٹ 50 بھارتی سفارکار تون اوار اسٹاف نا باسک آتے خصوصی طیارہ نا کمک اٹ پدی نئی دلی آ بٹنگ انگانے۔ قونصل خانہ ءِ وختی وڑ اٹ بند کننگانے۔ اوغانستان اٹی بھارتی سفارتی ساڑی گری برجا سلک، کابل نا سفارت خانہ و مزار شریف نا قونصلیٹ ہڑدے ئی کاریم تے سر تننگ اٹی ءِ۔ ایلو کنڈ آ چین امریکہ ءِ اوغان ویل انا اصل ڈوہدار گوندانے۔ چینی وزارت خارجہ تینا بیان اٹی پارینے کہ امریکہ اوغانستان اٹی تینا زمواری تے گوجالانے، و اشتافی مرسا فوجی دستہ غاتے کشانے۔ امریکہ نا دا عمل آن اوغان الس، ڈیہہ انا ایلو ملک آتیا باریم ءِ شاغانے۔ اوغان ویل انا زموار امریکہ ءِ۔ داکان بیدس چین اوغانستان نا بگڑینگوک آ حالیت ءِ مون آ تخسا تینا 210 شاری کشانے۔