گیس و تیل پٹوک آ کمپنی تے سی پیک وڑ انا سیکورٹی تننگ نا فیصلہ

صارف آتے سگنگ واج نہاد آ گیس انا فراوانی کن پائپ لائن بھاز المی ءِ، ایل این جی ٹرمینل اٹی 300 ایم ایم سی ایف ڈی گیس نا پین لائخی ہم ارے، نجی بشخ کن کاریم اٹ اتنگک، کمامدار

وزیراعظم عمران خان ءِ پیٹرولیم ڈویژن نا توانائی بشخ انا بابت رپورٹ پیش کننگا۔ پٹرولیم سلاہکار تابش گوہر نا کنڈ آن جمع کننگوک رپورٹ اٹی شارٹ ٹرم، مڈ ٹرم و لانگ ٹرم ڈٹ آتا بابت حوال تننگانے۔ رپورٹ اٹی پاننگانے کہ گیس و تیل پٹوک آ کمپنی تے سی پیک وڑ انا سیکورٹی تننگک۔ صارف آتے سگنگ واج نہاد آ گیس انا فراوانی کن پائپ لائن بھاز المی ءِ، ایل این جی ٹرمینل اٹی 300 ایم ایم سی ایف ڈی گیس نا پین لائخی ہم ارے، نجی بشخ کن کاریم اٹ اتنگک، بلوچستان و کے پی کے ٹی گیس و تیل پٹنگ آ کاریم کننگک، پورٹ قاسم آ ایل این جی اسٹوریج کن کاریم نا بنا، 2030ء اسکان پورو تفنگک، رپورٹ اٹی پاننگانے کہ ایل این جی ٹیک و پے پیمنٹ بنداو آ مریک، ایل این جی امپورٹ پورو آن پورو نجی بشخ انا کمک اٹ مریک، ودکی ایل این جی نا بننگ آن بروک آ سیل/ اٹی کمک رسینگک۔ داکان بیدس گوادر آن ایل این جی نا فراوانی کراچی نا صنعت آتے کن بنا کیک، 300 ایم ایم سی ایف ڈی ایل این جی اسٹرک نا کمک اٹ صنعت آتسکان سر کننگ مریک۔ رپورٹ اٹی پاننگانے کہ قدرتی گیس آ باریم ءِ کم کننگ کن ایل پی جی ءِ بدل گیگ فیول نا وڑ اٹ کاریم اٹ اتنگک، برجا تُو انا اخیر اسکان ایل پی جی نا بابت اسٹیک ہولڈر آتا نیام اٹ امنائی ودی کننگک۔ ایل پی جی ءِ اُرائی سیکٹر نا وڑ ٓٹ کاریم اٹ اتنگک۔ ایل این جی نا کچ ءِ ودفنگ کن اِرا پوسکن ءُ ٹرمینل تفوئی تمک۔ داکان بیدس 2023ء اسکان ننے اسہ پین ٹرمینل اس تفوئی تمک۔ رپورٹ اٹی پاننگانے کہ کراچی آن لاہور اسکان گیس پائپ لائن نا تفنگ بھاز المی ءِ، و وزیراعظم نا پارت نا رد اٹ گیس پائپ لائن زُوت آن زوت تفنگک۔ پائپ لائن نا تفنگ نا کاریم اٹ ہندی کمپبنی تے اوار کننگک۔ پورٹ قاسم آ ایل این جی اسٹوریج کن کاریم بنا کننگانے، ہرا 2030ء اسکان پورو کننگک۔ رپورٹ اٹی پاننگانے کہ ملک اٹی تیل و گیس پٹنگ کن کاریم ءِ ترند کننگ انگ ءِ۔ بلوچستان و کے پی کے ٹی گیس و تیل پٹنگک۔

(آن ائن)