آرمی ملکیت آتیا دشمن آنبار سجفوک وڑ اٹ جلہو کننگا، آئی ایس پی آر

9 مئی نا دے ءِ تہار ءُ گیری اسے آنبار یات تخنگک، سجفوک وڑاٹ فوج انا برخلاف نعرہ خلفنگا، ہرا کاریم ءِ ملک انا پکا انگا دشمن 75 سال اٹ کننگ کتو، اقتدار نا خواہندار آک سیاسی بیرشت اٹ کریر نشان تسر

0

Get real time updates directly on you device, subscribe now.

راولپنڈی : پاک فوج پارینے کہ 9 مئی نا دے ءِ اسہ تہار ءُ دے اسے آنبار یات تخنگک۔چیئرمین پی ٹی آئی نا دزگیری آن پد منظم وڑ اٹ آرمی ناملکیت آتیا جلہو کرفنگا و فوج انا برخلاف نعرہ خلفنگا‘ ہرا کاریم ءِ ملک انا بھلا دشمن 75 سال اٹ کننگ کتو اودے اقتدار نا لیلاچ اٹ گنوک اسہ سیاسی لویس اٹ پیڑوک دا پڑک کرے‘ ہرا کمکار‘ ڈٹ بندی کروک و سیاسی ’بلوائیک‘ دا کارروائی نا زموار ءُ اوفتے درست کننگانے‘ کانود نا رد اٹ سخت کارروائی کننگک‘ کس ءِ ہم الس ءِ خار تننگ و کانود آن چَپ کاریم کننگ نا موکل تننگ مفک۔ پاک فوج انا شعبہ تعلقات عامہ (آئی ایس پی آر) ناکنڈآن جاری کروک بیان اٹ چئیرمین پی ٹی آئی نا دزگیری آن پد ملک اٹ حساس ملکیت آتیا جلہو‘ بیدادی‘ و خلنگ پرغنگ آ سخت ردعمل جاری کرسا پاننگانے کہ چیئرمین پی ٹی آئی ءِ نیب انا اعلامیہ نا رد اٹ اسلام آباد ہائیکورٹ آن کانود نا وڑ اٹ دزگیر کننگا‘ دا دزگیری آن دمدستی پد منظم وڑ اٹ آرمی نا ملکیت آتیا جلہو کرفنگا و فوج انا برخلاف نعرہ خلفنگا‘ اسہ کنڈآ تو دا شرپسند آک الس نا جوزہ غاتے تینا کچ اٹنگا و خودبینی مسخت آتے پورو کننگ کن بڑزا کیرہ تو ایلو کنڈآ مخلوق ءِ ریفسا ملک اکن فوج انا اہمیت ءِ ہم مون آ اتنگ آن دمدرینگپسہ ہراکہ دو رغہ ئی نا بھلو مثال اسے۔ ہرا کاریم ءِ ملک انا بھلا دشمن 75 سال اٹ کننگ کتو اودے اقتدار کن کور اسہ سیاسی لویس بینوک پڑک اس کرے‘ فوج بھاز تحمل و سگ نشان تس وتینا شرف انا پرواہ ءِ کپرسا ملک انا فائدن کن کل گڑاتے سگا۔ آئی ایس پی آر پارینے کہ ڈٹ بندی نا رد اٹ ودی کروک دا حالیت آتیان دا کوشست کننگا کہ آرمی تینا دمدستی ردعمل ءِ ایتے ہرادے او تینا سیاسی مسخت کن کاریم اٹ اتنگ کیر۔ آرمی نا میچور رسپانس دا سازش ءِ بے سہب کرے‘ ننے جوان سماءِ کہ دانا پد اٹ منہ شرپسند لیڈرشپ نا پرمان‘ پارت و مہالو آن پورو ڈٹ بندی ئس‘ دا کمکار‘ ڈٹ بندی کروک و سیاسی بلوائیک دا کارروائی نا زموار ءُ اوفتے درست کننگانے‘ اوفتا برخلاف سخت کارروائی کننگک و دا کل شرپسند آک داسہ پد انا زموار تینٹ مریرہ۔ فوج اتون اوار کل کانود نافذ کروک ادارہ غاک فوجی و ریاستی ملکیت آتیا جلہو نا سخت ورندی ایترہ ہرانا مچ آ زمواری ہندا ٹولی آ مریک ہراکہ پاکستان ءِ خانہ جنگی نا کنڈآ دننگ خوارہ و پاش وڑ اٹ کیہی وار دانا درشانی ءِ ہم کرینے۔ کس ءِ ہم الس ءِ ریفنگ و کانودآن چَپ کاریم کننگ نا موکل تننگپک۔

(آن لائن)

Get real time updates directly on you device, subscribe now.

Leave A Reply

Your email address will not be published.