بنجائی کابینہ نا قومی ریاستی ادارہ غاتیا جلہو نا مذمت

اسلام آباد : وزیراعظم شہباز شریف ناکماشی ٹی بنجائی کابینہ نا دیوان اڈہلک‘ حوالی نا رد اٹ بنجائی کابینہ قومی ریاستی ادارہ غاتیا جلہو تا مذمت ءِ کرے‘ بنجائی کابینہ بیداد آ ساڑی برانز کروک آتا برخلاف سخت کارروائی کننگ نا پارت کرے۔ وزیراعظم پارے کہ کس ءِ ہم کانود پرغنگ نا موکل تفنہ۔ وزیراعظم پرمان کرے کہ سرکاری ملکیت و دفاعی ادارہ غاتیا جلہو کروک آتے دزگیر کننگے۔ بنجائی کابینہ نا حوالی نا رد اٹ خلنگ پرغنگ‘ بیدادی نا واقعہ غاتا زموار بندغ آتا برخلاف دہشت گردی تور ایکٹ انا رد اٹ مقدمہ درج کننگک۔ وزیرداخلہ رانا ثناء اللہ خلنگ پرغنگ و ملکیت آتیا جلہو نا سرجم تے پیش کرے۔ پنجاب، خیبرپختونخوا و اسلام آباد اٹ فوج ءِ خواہفنگ نا درخواست آتے پک کننگ کن بنجائی کابینہ نا دیوان اٹ یش کننگا‘ بنجائی وزیرداخلہ کابینہ ءِ امن وایمنی نا حالیت آتیا بریفنگ تس۔

(آن لائن)