ایتھوپیا غا جہاز آتا بنا غان افریقہ نا منڈی تسکان رسینگ گیگ ملک، وزیرخارجہ

اسلام آباد: وزیرخارجہ بلاول بھٹو زرداری اومیت ظاہر کرینے کہ پاکستان و ایتھوپیا نا نیام اٹ براہ راست جہاز آتا بناآن پاکستانی پوریاگر آتے افریقی ملک آتیٹی پوسکن آ منڈی تسکان رسینگ کن آسانی مریک۔ دفترخارجہ نا رداٹ داخیال آتا درشانی ءِ او ایتھوپیا نا وزیر مملکت امور خارجہ مسگانواریگا تون گپ وتران کرسا کرے۔ بلاول بھٹو زرداری پارے کہ افریقی پوریاگرآتیکن پاکستان اٹی واپار و زرکاری نا گچین ءُ وارخواہی ارے۔ وزیرخارجہ بلاول بھٹو زرداری و ایتھوپیا نا وزیر مملکت امور خارجہ مسگانواریگا نا نیام اٹ ڈل آتا کہول آ اوڑدہی مس۔ وزیرخارجہ ایتھوپیا نا وزیر مملکت امور خارجہ تون اوڑدہی ٹی نیا م اٹ ہڑتوم آ کنڈآتا تعلقداری تا مون آ دننگ آ گپ وتران کرے۔ داکان مست وزیرخارجہ بلاول بھٹو زرداری تدوک آ نن کراچی ٹی تینا ایتھوپین ہم منصب تون اوار ایتھوپین ایئرلائن نا پاکستان کن براہ راست فلائٹ نا بناءِ کرے۔ داوخت آ گپ وتران کرسا وزیرخارجہ بلاول بھٹو زرداری پارے کہ پاکستان و ایتھوپیا نا نیام اٹ براہ راست جہاز آتا بناآن پاکستانی پوریاگر آتے افریقی ملک آتیٹی پوسکن آ منڈی تسکان رسینگ کن آسانی مریک۔ اوپارے کہ افریقی پوریاگرآتیکن پاکستان اٹ واپار و زرکاری نا گچین ءُ وارخواہی اس ارے۔ وزیرخارجہ بلاول بھٹو زرداری اسلام آباد اٹی ایتھوپیا نا سفارت خانہ نا جوڑ کننگ نا ہم ستاءِ کرے۔ اوپارے کہ اونا پیرہ ذوالفقار علی بھٹو ایتھوپیا ٹی پاکستان نا سفارت خانہ ءِ ملاسس۔

(اے پی پی)