سعودی عرب اٹ نوک خننگتو، عئید پنچ شنبے نا دے مریک

ریاض :  سعودی عرب اٹ نوک خننگتو، و داسہ اوڑے چنکا عئید پنچ شنبے نا دے مریک، عرب میڈیا رپورٹ آتا رد اٹ سعودی عرب اٹی نوک ءِ ہُننگ کن چندی شار تیٹی دیوان مس، ولے اسہ جاگہ اس ہم نوک خننگ انگ نا شاہدی دوئی متو۔ حوال آتا رد اٹ چار شنبے نا دے 12 مئی رمضان المبارک نا 30 میکو روچہ ءِ۔ وخت اس کہ پنچ شنبے نا دے 13 مئی یکم شوال مرو۔ سعودی سپریم کورٹ نا کنڈ آن پڑو آن پد شاہی دیوان ہم پرمان جاری کرینے، ہرانا رد اٹ سعودی عرب اٹی شوال نا نوک خننگتنے، چنکا عئید پنچ شنبے نا دے 13 مئی آ مریک۔ شاہی دیوان نا رد اٹ مملکت اٹی چار شنبے ن ادے 12 مئی آ رمضان المبارک نا سی میکو روچہ مریک۔