بی آئی ایس پی نا رداٹ حقدار بندغ آتے زر ایتک، ڈپٹی کمشنر گوادر

0

Get real time updates directly on you device, subscribe now.

کوئٹہ (اے پی پی) ڈپٹی کمشنر گوادر کیپٹن (ر) محمدوسیم تینا اسہ اعلامیہ سے ٹی پارینے کہ کوروناوائرس نا سوب آن مچ آ ملک اٹی لاک ڈاون ءِ ہرانا سوب آن نیزگار نادار و حقدار بندغ آک چندی فریشان ءُ۔ داحالیت آتتون مون تننگ کن بے نظیر انکم سپورٹ پروگرام نا رداٹ حقدار بندغ آتے ٹی زر ایتک۔ الس نا آسراتی کن چندی علاقہ غاتے ٹی ایمرجنسی بنداو آ سنٹر جوڑ کننگانے۔ بے نظیر انکم سپورٹ پروگرام نا بینفشری تے 10 اپریل جمعہ نا دے آن پیسہ غاتا تننگ نا بناءِ کننگانے دا پیسہ غاک بیرہ مست آن بے نظیر انکم سپورٹ پروگرام اٹی رجسٹرڈ مروک زالبول آتے ملرہ پیسہ غاتا دوئی کنگ کن بیرہ ہموزالبول آک کار ہرافتے مست آن بے نظیر انکم سپورٹ نا پیسہ غاک ملساکرینو۔ اوپارے کہ پیسہ غاتا تننگ کن مچ آ ضلع ٹی، ایچ بی ایل کنیکٹ، نا کمک اٹ بینفیشری تے فراوان کننگا وخت اس کہ گوادر ٹاو ¿ن، پسنی جیونی واورماڑہ نا سٹی ایریا نا بے نظیر بینیفشریک ہم 10اپریل آ چندی ہند آتیا زر ہلیرہ۔ دا رد اٹ زالبول آتے پارت کننگ انگ ءِ کہ حکومت نا تروک آ رکھی گام گیج آتیا عمل کرسا مُر سلسا تینا واری کن ہُرر۔ زالبول آک ضلعی انتظامیہ پولیس و کانود نافذ کروک آ ادارہ غاتتون کمک کیر۔ اعلامیہ ٹی پاننگانے کہ لسٹ انارداٹ وارڈ انا ہنکینی بے نظیر انکم سپورٹ پروگرام بینفشری ہرا اسکول یا کالج خڑک مریک ہموکان پیسہ غاتے ہلیر۔ وخت اس کہ یونین کونسل آتا بے نظیر انکم سپورٹ پروگرام نا زالبول بینفشری تے ڈہ تننگانے اوہراکہ تاریخ مرے تینا پیسہ غاتے ہلنگ کیرہ۔

Get real time updates directly on you device, subscribe now.

Leave A Reply

Your email address will not be published.