کورونا نا توننگ کن رکھی گام گیج نا کسر ءِ دوئی کننگے، میر نعمت زہری

کوئٹہ (اے پی پی) پاکستان تحریک انصاف نا راہشون بلوچستان اسمبلی نا باسک میر نعمت اللہ خان زہری پارینے کہ داوخت مچ آ نیا اسہ نازرک ءُ دوراسے آن گدرینگ انگ ءِ کورونا دین دنیاءِ پلویڑ کرینے۔ دا ناجوڑی آن خلاسی نا کوشست و رکھی گام گیج کننگ انگ ءِ۔ ننا ملک و صوبہ نا شاریک نئے بیرہ تینٹ بلکن تینا خاہوت ءِ داناجوڑی ان بچفر و تینا اُراتیٹی مرسا لاک ڈاو ¿ن ءِ سرسہب کننگ نا حکمت عملی آ عملدرآمد کیر۔ داہیت ءِ او میڈیا نا نمائندہ غاتتون گپ وتران کرسا کرے۔ بلوچستان اسمبلی نا باسک میر نعمت اللہ خان زہری ناپاننگ ئس کہ عقلندئی عمل نا کمک اٹ جہانی دین کورونا غا جان ءِ خلاس کروئی تمک۔ شاریک حکومت نا کنڈآن تروک آ پارت آتیا عمل کرسا غٹ ڈٹ ڈَول و حکمت عملی آ ہمون آن عمل عمل کیر، ملک و صوبہ غان کروناوائرس نا چٹفنگ کن عقلندئی واللہ تعالیٰ تون رجوع کننگے۔ دا رد اٹ اللہ تعالیٰ ءِ راضی کننگ اسٹ انگا کسر ءِ۔ اوپارے کہ شاریک بے گرج ہن و بر و سفر کپس، و تینا اُراتیٹی ریر و کورونا وائرس آن تیناجان ءِ خلاس کننگ نا پارت آتیا عملدرآمد ءِ پک کیر۔ میر نعمت اللہ خان زہری نا پاننگ ئس کہ ہراتم ملک و صوبہ و ضلع غاتے ٹی لاک ڈاو ¿ن ءِ دُن انگا وخت آ لس صاحب حیثیت خلقت ءِ ہم حکومت نا کمکار مرسا حقدار بندغ آتا کمک ءِ پک کننگ کن بڑز سوچ، یکجہتی و ایلوفتتون کمک کننگ کیر۔