شاہ محمود قریشی نا 20 مارچ اسکان کن عبوری ضمانت منظور
Get real time updates directly on you device, subscribe now.
لاہور : لاہور نا سیشن عدالت سڑک بلاک کننگ و سرکاری نا کاریم اٹی نیام تمنگ نا دوبہ ٹی درج مقدمہ ٹی شاہ محمود قریشی نا 20 مارچ اسکان عبوری ضمانت ءِ منظور کرے۔ عدالت پولیس ءِ دزگیری آن تورے و پی ٹی آئی راہشون شاہ محمود قریشی ءِ جاست وپاست اٹ اوار مننگ نا پارت کرے۔ ایڈیشنل سیشن جج ندیم حسن وسیر کیس انا سماعت ءِ کرے۔ عدالت بروک آ سماعت آ پولیس آن جاست وپاست نا بابت رپورٹ ہم بٹنگا۔ جمعہ نادے آ سماعت آ شاہ محمود قریشی تینا وکیل تون اوار عبوری ضمانت کن عدالت اٹ پیش مس۔ عدالت شاہ محمود قریشی نا بیست مارچ اسکان عبوری ضمانت ءِ منظور کرسا شاہ محمود قریشی ءِ 50 ہزار روپئی نا مچلکہ جمع کرفنگ نا پرمان کرے۔ عدالت پولیس ءِ ہم دزگیری آن تورے۔ عدالت شاہ محمود قریشی ءِ جاست وپاست اٹی اوار و پولیس آن بروک آ سماعت آ جاست وپاستی رپورٹ اس پیش کننگ نا پرمان کرے۔ شاہ محمود قریشی تون اوار ایلو فتا برخلاف تھانہ ریس کورس پولیس مقدمہ درج کرینے۔
(اے پی پی)