کبین بہاکننگ و کوڑی کننگ ءِ ہچ ءُ حالیت اسے ٹی سگپنہ، اسسٹنٹ کمشنر نوشکے

نوشکے : ڈپٹی کمشنر نوشکے خرم خالد بلوچ نا پارت آ اسسٹنٹ کمشنر نوشکے زاہد شاہوانی نا شار انا چندی دوکان، پال، پرچون، یوریادوکان آتون اوار یوٹیلٹی اسٹور آتا دورہ، داوخت آ اوڑتون اوار ڈپٹی ڈائریکٹر کشت وکشار خالد محمود بادینی ہم ساڑی ئسک۔ اوکنوئی آ گڑا و پال یوریا، بورہ و نُت انا نہاد آتا ریٹ و معیار ءِ چیک کرے۔ اسسٹنٹ کمشنر نوشکے زاہد شاہوانی داوخت آ پارے کہ کبین بہا کننگ و کوڑی کننگ ءِ ہچ ءُ حالیت اسے ٹی سگپنہ۔ ہراکہ پوریاگر داٹی خننگا تو اونا برخلاف کانودی کارروائی کننگک، الس کبین بہا کروک و کوڑی کروک آ تا برخلاف نوشکے انتظامیہ تون پبی کمک کے، السی غاو کننگ آ نوشکے انتظامیہ کارروائی کیک۔ اوپارے کہ روچہ بننگ اٹی ءِ ہندا سوب آن روچہ مبارک نا بابرکت تُو اٹی پوریاگر برادری کبین بہاکننگ آن پاناد کے تانکہ روچہ تخوک آتے جوان نہاد آ کنوئی آ گڑا دوبننگ کے۔

(اے پی پی)