زیارت‘ آب اٹ انگا تعلیم وخت انا گرج ءِ‘ شبیر احمد بادینی

زیارت : ڈپٹی کمشنر زیارت شبیر احمد بادینی زیارت اٹ برجا انگا نو و دہ انا سالانہ امتحان نا سینٹر نا دورہ ءِ کرے۔ امتحانی عملہ تون ہیت وگپ کرے۔ او وخت آ ڈپٹی کمشنر زیارت شبیر احمد بادینی تران کرسا پارینے کہ نقل اسہ ناسور اسے۔ نقل اٹ پاس مروک آ طالبلعلم آتے ہچ ءُ آخبت اس اف۔ طالبعلم آک نقل آن تینے پرہیز کیر و تینا محنت اٹ امتحان ءِ پاس کیر تانکہ نقل کروک آک شکی مریر۔ او امتحانی عملہ غا زور شاغسا پارینے کہ اسہ لوز اس نقل اکن ہم ہلنگپک۔ و نقل انا بابت اٹ طالبعلم آتون سختی ٹی پیش بریر۔ او پارینے کہ تعلیم شونداری نا سوب ءِ۔ آب اٹ انگا تعلیم نا جوانی وخت انا گرج اسے۔ تعلیم یافتہ انگا قومک دنیا غا حکمرانی کننگ اٹی ءُ۔ ننے تینا تعلیمی آب ءِ جوان کروئی تمک تانکہ ساڑی دور انا چیلنج آتون مون تننگ کین۔

(خ ن)