مذاکرات سرسہب، بنجائی ملازم آتا تنخواہ تیٹی ودکی

گریڈ اسٹ آن 19 نا بنجائی ملازم آتے 25 درسد ایڈہاک ریلیف تننگک

0

Get real time updates directly on you device, subscribe now.

اسلام آباد:  سرکاری ملازم آتا تنخواہ تیٹی ودکی کن جوڑ کروک آ مذاکراتی کمیٹی پڑو کرینے کہ گریڈ اسٹ آن 19 اسکان نا بنجائی ملازم آتے 25 درسد ایڈہاک ریلیف تننگک ہرا جون اٹی پیش کروک آ بجٹ اٹ ضم کننگک، غٹ باندات آک جوان وڑاٹ مسنو۔ برانز اینو ہی چٹک، دزگیر کروک آ غٹ ملازم آتے یلہ کرسا ایف آئی آر تے پدی ہلنگک۔ داخیال آتا درشانی ءِ پنچ شنبے نادے آ داڑے بنجائی ملازم آتون مذاکرات کروک آ حکومتی کمیٹی ٹی اوار بنجائی وزیر آک سرکاری ملازم آتا نمائندہ غاتون اوار اسیجاپریس کانفرنس کرسا کریر۔ حکومتی کمیٹی ٹی بنجائی وزیر دفاع پرویز خٹک، وزیر داخلہ شیخ رشید احمد و وزیر مملکت پارلیمانی امور علی محمد خان اوار ئسر۔ وزیر داخلہ شیخ رشید احمد پارے کہ برانز کروک آ ملازم آتون معاملہ غاک طے مسنو۔ سرکاری ملازم آتا ہڑتال چٹک و دا تینا اُراتیا پدی کارہ۔ وزیر داخلہ پارے کہ دا فیصلہ غاتا منظوری ءِ وزیراعظم آن تینٹ ہنسا ہلکونن۔ گریڈ 20، 21 و 22 نا تنخواہ تا فیصلہ ءِ بجٹ اٹ کننگک، پولیس وسیکورٹی کارندہ غاتا تنخواہ تیٹی ہم ودکی بجٹ اٹی کننگک۔ اوغٹ دزگیر ملازم آتے یلہ کننگ نا پڑو کرسا پارے کہ ایف آئی آر تے پدی ہلنگک۔ اوپارے کہ وزیر خزانہ ڈاکٹر عبدالحفیظ شیخ و سیکرٹری خزانہ دا فیصلہ غاتیا عملدرآمد کرفرہ۔ وزیر دفاع پرویز خٹک پارے کہ کم و ود اسہ سال آن بنجائی ملازم آتا تنخواہ تا ویل ئس۔ ننا فیصلہ ءِ کہ 25 درسد ایڈہاک ریلیف ایتنہ۔ صوبائی ملازم آتا ویل ءِ ایسر کننگ نا ہم پارت کرینن۔ اپ گریڈیشن نا فیصلہ ہم کرینن ہراڑآ جون آن پد عمل مریک۔  

11 فروری (اے پی پی)

Get real time updates directly on you device, subscribe now.

Leave A Reply

Your email address will not be published.