سعودی عرب نا یمن اٹی حوثی ہند آتیا 32 غان زیات فضائی جلہو

صنعاء، ایران نا مخ تف یمنی حوثی تا کنڈ آن دا دعویٰ کننگانے کہ سعودی عرب یمن نا جتا جتا علاقہ غاتیٹی اوفتا ہند آتیا 32 آن زیات فضائی جلہو کرینے۔ اسہ دے مست حوثیک تینا ہمسائے ملک سعودی عرب نا برخلاف بھلو کہول اسے آ جلہو کریسر، ہرافتا سوب آن درزن آن زیات بندغ ٹھپی مسر۔ حوشی تون تعلقدار المسیرہ ٹی وی رپورٹ کرینے کہ “سعودی جہاز آک گدرینگوک آ منہ گھنٹہ ٹی جتا جتا ہند آتیا 32 فضائی جلہو کرینو سعودی عرب داسکان حوثی تا کنڈ آن دا جلہو تا دعویٰ تیا ہچ ءُ باقاعدہ ردِعمل تتنے۔ سعودی کمامدار آتا رداٹ سَے شنبے نا سہب انا حوثی تا جلہو تا سوب آن منہ تیل میرت آتا سرجز آک وختی وڑ اٹ سلیسوسر و 73 بندغ ٹھپی مسوسر۔