روس انا شار نووروسیسک آ یوکرینی ڈرون جلہو، 4 بندغ زوال

ماسکو، روس انا کراسنودار ڈیہہ انا شار نووروسیسک آ یوکرینی ڈرون جلہو تا سوب آن اسہ چناسے تون اوار چار بندغ زوال و 29 ٹھپی مسر۔ کراسنودار نا گورنر وینیامین کوندراتیف پارینے کہ تدوک آ نن روسی فوجیک ڈیہہ آ دشمن نا بھلا کہول آ کروک ڈرون جلہو تے بے سہب کریر۔ ولے نووروسیسک ءِ کل آن زیات شست کننگا۔ گورنر تینا ٹیلی گرام چینل آ جاری بیان اٹی پارے کہ بدبختی اٹ جلہو اٹی اسہ چنا سے تون اوار چار بندغ زوال‘ وخت اس کہ پین 29 بندغ ٹھپی مسر، ٹھپی مروک آتیان مسٹ نا حالیت خراب ءِ۔ وینیامین کوندراتیف زوال مروک آتا پدخاہوت و تینائی تتون ہڑزخواہی نا درشانی ءِ کرے۔ او پارے کہ یوکرینی ڈرون جلہو اٹی ٹھپی مروک کل بندغ آتے المی طبی کمک فراوان کننگ انگ ءِ۔