کابل‘ اوغان نائب صدر نا قافلہ غا خود کش جلہو‘ امراللہ صالح کلہ بچا

کابل (آن لائن) اوغانستان نا دارلحکومت کابل اٹ اوغان نائب صدر امر اللہ صالح خودکش جلہو اسے ٹی کلہ بچا۔ قافلہ ٹی اوار دہ بندغ تپاخت و گاٹ آتون اوار پانزدہ بندغ ٹھپی مسر۔ درملکی خبر رساں ادارہ نا رداٹ اوغان وزارت وزارت داخلہ نا کنڈآن جاری مروک آ بیان اٹ پاننگانے کہ کابل نا علاقہ تیمانی ٹی نائب صدر امرللہ صالح نا قافلہ آ خودکش جلہو کننگا وخت اس کہ جلہو اٹ او معجزانہ وڑاٹ رکھوک مس۔ قافلہ جلہو اٹ دہ بندغ زوال و پانزدہ ٹھپی مسر۔ خود کش جلہو گیر نائب صدر ءِ دا وخت آ نشانہ کننگ نا کوشست کرے ہراتم او دفتر آ ہننگ کن اُرا غان پیش تماسُس۔ خودکش جلہو آن پد سکیورٹی فورس آک علاقہ ءِ گھیرہ کریر و ٹھپی تون اوار لاش تے ہسپتال آ گدریفنگ تون اوار جلہو نا جاست و پاست ءِ بنا کرینو۔ اوغان نائب صدر نا قافلہ غا خودکش جلہو ہنداخس خطرناک ئس کہ داپار ایپار نا دکان و سڑک آتیا سلوک آ گاڈیک بھس مسر۔ ایلو کنڈ آ دا وخت اسکان ہچ ءُ گروپ اس جلہو نا زمواری ءِ امنا کتنے۔