چمن کراچی شاہراہ نا ڈٹ اکن اتھارٹی اس ٹہیفنگ ستا کڑزک، جام کمال خان

کوئٹہ (خ ن/ اے پی پی ) وزیراعلیٰ بلوچستان جام کمال خان چمن کراچی شاہراہ نا ڈٹ ڈَول کن پرائیویٹ پارٹنر شپ اتھارٹی نا ٹہیفنگ آ خوشی نا درشانی کرینے، تینا ٹویٹ اٹی وزیراعلیٰ بلوچستان اتھارٹی نا ٹہیفنگ آ وزیراعظم عمران خان و بنجائی وزیر اسد عمر نا منت ءِ ہرفینے، و پارینے کہ اتھارٹی چمن کراچی شاہراہ نا ڈٹ ءِ 31 مارچ 2021ءاسکان اسٹرکچرنگ و فزیبلٹی نا جوڑ کننگ اٹ کمکار مریک، وزیراعلیٰ پارینے کہ چمن کراچی شاہراہ بلوچستان نا غٹ آن بھلا ڈٹ ڈَول مرو، تینا اسہ پین ٹوئیٹر کلہو اسے ٹی وزیراعلیٰ پارے کہ بلوچستان حکومت نا قرض حسنہ پروگرام آن داتم اسکان 7500 فائدہ ہرفینو۔ وخت اس کہ دا سال نومبر اسکان 27000 پین بندغ قرض حسنہ پروگرام آن فائدہ ہرفسا چنکا کہول آ تینا کاروبار نا بناءِ کننگ کیرہ۔داکان بیدس وزیراعلیٰ بلوچستان جام کمال نا خصوصی فنڈ آن لسبیلہ نا تحصیل لاکھڑاٹی آبنوشی نا اہم اسکیم چانکارہ لیاری پروجیکٹ آ ترندی اٹ پیش رفت برجاءِ21 کروڑ روپئی نا خڑچ آن برجا ڈٹ آتیٹی واٹرٹینک آتا تفنگ بورنگ شمسی سسٹم نا رداٹ سولر پلیٹ آتا تخنگ و پیپ لین شاغنگ آ کاریم ترندی اٹ برجاءِ، وزیراعلیٰ بلوچستان نا پرمان تے مون آ تخسا ڈپٹی کمشنر لسبیلہ و ایکسین پی ایچ ای لسبیلہ ٹی برجا آبنوشی اسکیم تا وخت آ پوروی کن پدریسہ مانیٹرنگ نا چرجوئی ءِ برجاتخانے سیکرٹری پی ایچ ای نا کنڈآن وزیراعلیٰ بلوچستان نا حلقہ گچین کاری نا مخلوق نا خواست آ آبنوشی نا آسراتی بے سلنگ آن فراوانی کن میرٹ آ محکمہ نا انجینئر عمران اکبر قمبرانی نا تعیناتی آن تدوک آ مالی سال 2019-20ءا ٹی آبنوشی نا یانزدہ اسکیم آک اولیتی بنداوتیا پورو مسنو وخت اس کہ چانکارہ لیاری پروجیکٹ ہرا لسبیلہ نا کرک علاقہ غاتا مخلوق ءِ ساف ہنین دیر انا فراوانی نا اسہ عظیم ءُ ڈٹ ڈَول اسے سرکاری حوالی نا رداٹ دا ڈٹ اینخو مالی سال 2020-21ءاٹی پورو مریک و دا ڈٹ انا پوروی آن ریگستانی علاقہ غاتا الس نا متکن آ خواست ہم پورو مریک ایکسین پی ایچ ای لسبیلہ عمران اکبر قمبرانی نا دا چرجوئی ٹی پاننگ ءِ کہ ڈپٹی کمشنر لسبیلہ ڈاکٹر حسن وقار چیمہ نا خصوصی است خواہی نا سوب چانکارہ لیاری پروجیکٹ نا سرسہبی کن محکمہ نا انجینئرآک سخت خواری اٹ کاریم کننگ ءُ انجینئرآتا چاروکی ٹی پروجیکٹ سائٹ آ کنٹریکٹر آک بنائی کاریم ءِ پورو کرینو۔ پیپ لین شاغنگ و لیاری ٹی واٹرٹینک آتا تعمیراتی کاریم دے و نن برجاءِ ایکسین پی ایچ ای پارے کہ ننا کوشست ءِ کہ پروجیکٹ ءِ تخوک آ مد 30 جون 2021آن مست دسمبر اٹ پورو کرسا آپریشنل کننگے، ایکسین پی ایچ ای پارے کہ لسبیلہ نا مرمر انگا علاقہ غاتے ٹی وزیراعلیٰ مفادعامہ نا چندی آبنوشی نا اسکیم آتے مالی سال 2020-21ءاکن منظور کرینے زوت دافتیا کاریم نابناءِ کننگک۔