بنجائی یونٹ نا دنگ اٹ آئینی وڑوڈول آن بیدس بدلی کننگ مفک،بابر اعوان

اسلام آباد (اے پی پی) وزیراعظم نا پارلیمانی باندات سلاہکار ڈاکٹر بابر اعوان پارینے کہ آئین نا آرٹیکل 8 انا رداٹ صوبہ اسے ٹی یابنجائی یونٹ نا دنگ اٹ آئینی وڑوڈول آن بیدس بدلی کننگ مفک۔ اوداہیت ءِ پنچ شنبے نادے آ قومی اسمبلی ٹی مولاناعبدالاکبر چترالی نا کنڈآن اعتراضی ٹک انا ورندی ٹی پارے، بابر اعوان پارے کہ آئین نا آرٹیکل 8 انا رداٹ صوبہ اسے نا یا بنجائی یونٹ نادنگ اٹ ہچ ءُ بدلی اس کننگ مفک، اگہ نقشہ ٹی غلطی ارے تو اودے سہی کننگک۔ داکان مست مولانا عبدالاکبر چترالی پارے کہ شندور ءِ نیشنل پارک اس جوڑ کننگ انگ ءِ، ہرانقشہ ءِ نشان تننگانے اوٹی شندور ءِ گلگت نا بشخ نشان تننگانے، شندور چترال نا چراگاہ ءِ۔ گلگت اٹ مہالو شیعہ سنی پھسات کرفنگا، داسہ گلگت و چترال نا نیام اٹ اختلاف ودی کننگ نا کوشست کننگ انگ ءِ، دانا نوٹس ءِ ہلنگے۔