طالبانک نیاڑی تا بابت فیصلہ غاتے پدی ہلتو تو سخت ءُ گام ہرفنہ، امریکہ

واشنگٹن: امریکہ ہکل تسنے کہ اگہ طالبان حکومت اوغانستان اٹی نیاڑی تیا بے گرج اُرا غان پیش تمنگ، برخہ بیننگ نا شڑت و مسن تا تعلیم نا بابت تینا سخت انگا فیصلہ غاتے پدی ہلتوس تو سخت ءُ گام گیج کننگ آ بیوس مرینہ، درملکی خبر ایجنسی نا رد اٹ امریکی وزارت خارجہ نا ترجمان نیڈ پرائس ہفتہ وار پریس بریفنگ اٹی پارے کہ طالبان تتون نیاڑی تا السی ہند آتیا برخہ بیننگ ءِ المی گوندنگ نا پرمان ءِ پدی ہلنگ کن ہیت کرینن۔ او پارے کہ اگہ دا بابت سخت فیصلہ غاتے پدی ہلنگتو تو امریکہ طالبان تیا زور شاغنگ کن سخت ءُ گام ہرفنگ کیک، نن تون بھاز ہندن ءُ ٹول اریر، ہرافتے کاریم اٹ اتسا طالبان تیا زور شاغنگ مریک۔