حکومت روچہ ٹی اڑزان و آب اٹنگا گڑاتا فراوانی ءِ پک کننگ ءِ، فردوس اعوان

پیکیج ءِ 7ارب اسکان ودفنگک، نُت، سی، بورہ، پتی، دال ، برنج اتون اوار 19گڑاتا نہاد آتے ٹی بھلو کمتی اس کننگانے

0

Get real time updates directly on you device, subscribe now.

اسلام آباد (اے پی پی) بنجائی حکومت روچہ نا مبارک انگا تُو اٹی الس ءِ اڑزان و آب اٹ المی آ گڑاتا فراوانی ءِ پک کننگ کن 19گڑاتیا سبسڈی کن دونیم ارب ریلیف پیکیج نا پڑوءِ کرینے، گڑاتا خواست و و گرج آتیا دا پیکیج ءِ 7ارب اسکان ودفنگ مریک، چنکا عئید آن پد ہم 5المی آ گڑاتیا سبسڈی نا عمل برجاسلک، 4ہزار آن زیات یوٹیلیٹی اسٹور تیا نُت، سی، بورہ، پتی، دال ، برنج اتون اوار 19گڑاتا نہاد آتے ٹی بھلو کمتی اس کننگانے، یوٹیلیٹی اسٹور تیا گڑاتا دستیابی نا مانیٹرنگ ءِ کننگ کن ضلعی کہول آ مانیٹرنگ و ٹاسک فورس اس جوڑ کننگک، منشاکار فورس راشن سرکننگ و کیش گدریفنگ اٹی کمکاری کن راہشون نا کڑد ادا کننگ ءِ ، وزیراعظم زرگزرانی ریلیف پیکیج نا رداٹ یوٹیلیٹی اسٹور کارپوریشن ءِ 10ارب جاری کننگانے، (اینو) جمعہ آن مچ آ ملک اٹی موبائل اسٹور نا بناءِ کننگ اُن، خلق و یونین کونسل نا کہول آ پین 500یوٹیلٹی اسٹور ملفنگک، یوٹیلیٹی اسٹوروزیراعظم نا وڑن نا پوروی ٹی ہراول دستہ نا کڑد ءِ اداکیرہ، وزیراعظم نا پالیسی نا وت السی خواری ٓتا ایسری ءِ۔ داہیت آتے وزیراعظم نا خصوصی کمکار حوالکاری وشینکاری ڈاکٹر فردوس عاشق اعوان پنچ شنبے نادے آ ایم ڈی یوٹیلیٹی اسٹورکارپوریشن تون اوار میڈیا ءِ حوال تننگ نا وخت آ پارے۔ ڈاکٹر فردوس عاشق اعوان پارے کہ وزیراعظم عمران خان نا کماشی ٹی الس نا خواری تے کم کننگ کن دے ونن کاریم کننگ اُن ہنداوڑ دا کوروناوائرس نا چیلنج اٹ الس ءِ تنیا الیپنہ۔ اوپارے کہ وزیراعظم عمران خان نیزگاری نا شیفکو کہول آ زند تیر کروک آ بندغ آتے کن کیش ایمرجنسی ٹرانسفر پروگرام نا باضابطہ بناءِ کرینن، دا مرحلہ ٹی 12ہزار روپئی فی خاہوت ءِ مون آ تخسا 144ارب روپئی الس اٹ بشخنگ انگ والا ءِ ، داپروگرام نا رداٹ اسہ کروڑ 20لکھ حقدار فائدہ ہرفرہ۔ وزیراعظم عمران خان ہرا قول ءِ کرینے کہ کرونانا زہمی تے ہروڑاٹ ریلیف اتون اوار اوار بنداوی گرج آتا نہاد آتے ٹی کمتی کرسا حقدار و بیوس آ بندغ آتے حکومت نا ہر ریلیف پروگرام اٹ بشخ تننگک، ایلو کنڈ آ یوٹیلیٹی اسٹور آتا ریلیف پیکیج آسانی ودی کننگ ءِ۔ اوپارے کہ حکومت یوٹیلیٹی اسٹورکارپوریشن ءِ گچین و واکدار کننگ نافیصلہ ءِ کرے، یوٹیلیٹی اسٹور آتے الس نا ریلیف کن اسہ ہندن ءُ ادارہ اس جوڑ کننگ انگ ءِ ہرا ساڑی حالیت آتا رداٹ نئے بیرہ کورونازہمی تیکن آسانی ودی کے بلکن لس شاری تا رسینگ پک مننگ کے۔ اوپارے کہ 5گڑاتیا یوٹیلیٹی اسٹور آتیا سبسڈی ءِ چنکاعئید اسکان ودفنگ تون اوار اوار فوڈ آئٹم تا کچ ءِ 19کننگانے۔

Get real time updates directly on you device, subscribe now.

Leave A Reply

Your email address will not be published.