8 اگست بلوچستان نا تاریخ نا اسہ تہار ءُ دے اسے، میرسرفراز بگٹی

کوئٹہ، وزیراعلیٰ بلوچستان میر سرفراز بگٹی 8 اگست 2016 نا سانحہ سول ہسپتال کوئٹہ نا دہمی کزیہ دے آ سانحہ نا شہید آتے خراجِ عقیدت پیش کرسا پارینے کہ 8 اگست بلوچستان نا تاریخ نا اسہ تہار ءُ دے اسے، ہرانا ٹھپ آک اینو ہم ننا است آتیٹی تازہ ءُ۔ وزیراعلیٰ پارے کہ سانحہ سول ہسپتال کوئٹہ ٹی بلوچستان تینا پنی آ وکیل‘ صحافی و ایلو نہادی انسانی جان تیان محروم مرسا اسہ ہندن ءُ پورو مفروک ءُ نسخان اس ہرفے ہرا پُر مننگ کپک۔ دا است ہسون سانحہ نئے بیرہ زہمی پدخاہوت آتے بلکن مچ آ صوبہ ءِ ڈکھی و ارمانی کرے۔ میر سرفراز بگٹی پارے کہ دہشت گردی نا برخلاف جنگ اٹی بلوچستان نا الس، وکیل‘ صحافی، کانود نافذ کروک ادارہ و ایلو تپہ غاک بے درور قربانیک تسنو۔ شہید آتا قربانیک ننا قومی جہد انا بشخ ءُ و اوفتا یات مدام ننا است آتیٹی زندہ سلک۔ وزیراعلیٰ پارے کہ دہشت گردی نا برخلاف جنگ داسہ ہم پدریسہ برجا ءِ و حکومت بلوچستان امن، سوگوی و شاری تا رکھ اکن پُرعزم ءِ۔