امریکہ بھارت آن لائن سیکرٹری خارجہ مذاکرات

 نئی دہلی (آن لا ئن)بھارت طالبعلم آتا ویزہ نا معاملہ غا امریکہ تون پُوسکن ءُ حکم نامہ غا نظر ثانی نا خواست کرے۔ امریکی میڈیا نا رداٹ امریکہ و بھارت نا آن لائن سیکرٹری خارجہ مذاکرات مسنے ہراٹی علاقائی و جہانی باندان آتیا ہیت وگپ کننگا۔ مذاکرات بھارتی سیکرٹری خارجہ ہرش شرنگلا و امریکی انڈر سیکرٹری اسٹیٹ ڈیوڈ ہیل نا نیام اٹ مس۔ امریکی میڈیا نا رداٹ مذاکرات اٹ اقوام متحدہ ٹی کمک نا جوانی آ ہم ہیت وگپ مسنے۔ سیکورٹی کونسل نا غیر مستقل رکنیت اٹ کمک کننگ آ بھارت امریکہ نا منتواری ءِ ہرفے۔ ہرش شرنگلا آن لائن مذاکرات اٹ بھارتی طالبعلم آتا ویزہ غاتا ویل آ ہم ہیت کرینے او امریکہ آن خواست کرینے کہ بھارتی طالبعلم آتا بابت اٹ پُوسکن آ حکم نامہ غا نظرثانی کننگے۔ ہرش شرنگلا پارینے کہ آن لائن کلاس آتا سوب آن درملکی طالبعلم آتا ملک بدری نا امریکی فیصلہ ننے وڑتنے۔ دا فیصلہ غان لکھ آ بھارتی طالب علم آک زہمی مریرہ۔