نجی تعلیمی ادارہ غاتے ستمبر اٹ ملنگ نافیصلہ ءِ منپنہ‘بلوچستان پرائیویٹ اسکولز گرینڈ الائنس

کوئٹہ (آن لائن) بلوچستان پرائیویٹ اسکولز گرینڈ الائنس نا ترجمان نذر بڑیچ، حضرت علی کوثر، حاجی سلیم ناصر جعفر خان قاری زین اللہ، ارباب جمیل کاسی،نقیب شاہوانی، اخلاق خان وایلوفک نجی تعلیمی ادارہ غاتے ستمبر اٹ ملنگ نافیصلہ ءِ مسترد کرسا دادے تعلیم دشمن گام اس گوندانو۔ او پاریر کہ کورونا نا بہانہ اٹ ننا آخبت ءِ بھس کننگ نا سازش کننگ انگ ءِ‘ مچ آ دنیا و پاکستان اٹ ہر بشخ ءِ ملنگانے داڑ اسکان پارک شاپنگ مال آک ملنگار ولے تعلیمی ادارہ غاتے پین اِرا تُو بند کننگ تعلیم دشمنی آن بیدس پین ہچ اس اف‘ او پاریر کہ بلوچستان نا یخ انگا زون تدوک آ دسمبر آن بند ءِ وخت اس کہ داسہ دسمبر آن مست ولدابند کروئی تمک‘ ہرانا سوب آن کل آن زیات صوبہ نا یخ انگا زون ءِ مننگ اٹی ءِ و داڑتون اوار 2800 اسکول اٹ کاریم کروک پنجا ہزار آن زیات استاد و ایلو کارندہ غاتا زرگزرانی خون ہم کننگ انگ ءِ‘ داسہ تعلیمی ادارہ غاتے پین بند کننگ نا ہچ تُک جوڑ مفک ونئے گرینڈ الائنس دا بیدادی ءِ سگنگ کیک۔ گرینڈ الائنس زوت کور کمیٹی نا ہلہلہ ئی دیوان ءِ بٹنگسا دا بیدادی آ ساڑی فیصلہ نا برخلاف جہد کننگ ناپڑو کیک۔