میڈرڈ اوپن ٹینس ٹورنامنٹ اٹ بشخ ہلیوہ‘ رافیل نڈال

میڈرڈ (مانیٹرنگ ڈیسک) اسپین نا جہانی شہرہ آفاق ٹینس اسٹار و جہانی نمبر ون رافیل نڈال گرینڈ سلام نا ایسری آن اسہ دے اس پد بنا مروک آ میڈرڈ اوپن ٹینس ٹورنامنٹ اٹ گوازی کننگ نا ارادہ ءِ پک کرینے وخت اس کہ تینا یو ایس اوپن ٹینس ٹورنامنٹ ٹائٹل نا رکھ انا گمان آ پین شک انا درشانی کرینے۔ 34 سال نا ہسپانوی ٹینس اسٹار خدو نیو یارک اٹ تینا 19 میکو گرینڈ سلام ٹائٹل ءِ کٹاسُس۔ ترمیم شدہ اے ٹی پی کیلنڈر نا رداٹ داسہ یو ایس گرینڈ سلام اینخو31 اگست آن 13 ستمبر اسکان گوازی کننگک۔ میڈرڈ اوپن ٹینس ٹورنامنٹ نا ڈائریکٹر فیلسیانو لوپیز پارینے کہ رافیل نڈال میڈرڈ اوپن ٹینس ٹورنامنٹ اٹ بشخ ہلنگ ءِ پک کرینے۔ رافیل نڈال راجی رابطہ غاتا ویب سائٹ آ تینا ڈیوس کپ نا سنگت نا کنڈآن ورندی تسنے کہ نن ستمبر اٹ میڈرڈ اوپن ٹینس ٹورنامنٹ اٹ ملنہ۔ ہسپانوی جہانی نمبر 2 ٹینس سٹار رافیل نڈال مون نا تُو اٹ پاریسُس کہ کنا دا وخت آ فلشنگ میڈو نا سفر کننگ نا بھاز کم اُست خواہی ارے۔ خدو یو ایس اوپن ٹینس ٹورنامنٹ نا فائنل اٹ رافیل نڈال نا روس انا ڈینیئل میڈویڈوف نا برخلاف پنچ سیٹ نا جوان ءُ سرسہبی سے ٹی اودے سوئس سٹار راجر فیڈرر نا 20 گرینڈ سلام ٹائٹل نا اسہ ریکارڈ اسے ٹی اوار کریسُس۔ او داسہ راجر فیڈرر نا 20 گرینڈ سلام ٹائٹل ءِ کٹنگ نا ریکارڈ ءِ بریبر کننگ اٹ بیرہ اسہ گرینڈ سلام اٹ سرسہبی سے نا خواہندار ءِ۔