بلوچستان اٹ ہم بجٹ نا بھلا کچ ءِ شونداری بشخ آ خلنگ نا سلاہ
Get real time updates directly on you device, subscribe now.
کوئٹہ : وزیراعلیٰ بلوچستان جام کمال خان نا کماشی ٹی اڈ ہلوک بڑزکو کہولی دیوان اٹی برجا مالی سال انا شونداری پروگرام اٹ اوار ڈٹ آتا پیشرفت، فنڈ جاری کننگ و داتم اسکان نا خڑچ آتتون اوار اوار بروک آ مالی سال انا بجٹ نا تیاری تا جاچ ءِ ہلسا کیہی اہم ءُ فیصلہ کننگا۔ صوبائی وزیرک، سردار یار محمد رند، نوابزادہ طارق خان مگسی، میر اسد بلوچ، انجینئر زمرک خان اچکزئی، سردار عبدالرحمن کھیتران، چیف سیکرٹری فضیل اصغر اسک ہم دیوان اٹ ساڑی ئسر۔ وخت اس کہ ایڈیشنل چیف سیکرٹری ڈٹ بندی و شونداری عبدالرحمن بزدار و سیکرٹری خزانہ نورالحق بلوچ اسک دیوان اٹ برجا ڈٹ آتا پیشرفت، فنڈ جاری کنگن و خڑچ آک، و مالی باندات آتیان بیدس پوسکن آ مالی سال انا شونداری و نشونداری بجٹ نا شیف بڑزی و سلاہ ئی کچ انا بابت بریفنگ تننگا۔ دیوان ءِ حوال تننگا کہ داتم اسکان شونداری کاریم تا رد اٹ 76 ارب روپئی جاری کننگانے،
( آن لائن)