چوہدری پرویز الٰہی نا اُرا غا پولیس آپریشن نا برخلاف درخواست آسماعت پد بٹنگا
Get real time updates directly on you device, subscribe now.
لاہور: لاہور ہائی کورٹ تحریک انصاف نا صدر چودھری پرویز الٰہی نا ہنکین آ پولیس آپریشن ءِ غیرکانودی گوندنگ نا درخواست آ فریق آتا وکیل آتیان 18 مئی آ دلیل بٹنگا۔ لاہور ہائی کورٹ نا جسٹس سردار سرفراز ڈوگر چوہدری پرویز الٰہی نا مار راسخ الٰہی نا درخواست آ دوشنبے نادے آ سماعت کرے ہراٹی چوہدری پرویز الٰہی نا مار راسخ الٰہی تینا ہنکین آ پولیس آپریشن نا گام ءِ چیلنج کرینے۔ سماعت اٹی اینٹی کرپشن تینا ورندی ءِ عدالت اٹ داخل کرفے۔ درخواست گزار نا وکیل ورندی الورندی کن مہلت خواہس۔ عدالت راسخ الٰہی نا وکیل نا خواست ءِ منظور کرسا سماعت ءِ 18 مئی اسکان ملتوی کرے۔
(اے پی پی)