عمران خان یا چیف جسٹس کس آن بلیک میل مفنہ‘ نوازشریف / مولانا فضل الرحمان
Get real time updates directly on you device, subscribe now.
اسلام آباد : مسلم لیگ ن نا قائد محمد نوازشریف و پی ڈی ایم نا سروک مولانا فضل الرحمان پارینے کہ عمران خان یا چیف جسٹس آن ہچ بلیک میل مفنہ‘ گچین کاریک تینا وخت آمریرہ‘ داسہ پی ٹی آئی تون مذاکرات کننگپک۔ میڈیارپورٹ نا رد اٹ مسکوہی وزیراعظم محمد نوازشریف و پی ڈی ایم نا سروک مولانا فضل الرحمان نا نیام اٹ ٹیل فون آ رابطہ مسنے‘ ہراٹی ملک انا ساڑی سیاسی حالیت و آئینی باندات آتیا گپ وتران کننگا‘ ہڑتوم آ راہشونک ملک اٹ سیاسی زرگزرانی سوگوی کن ہر وڑ انا قربانی تننگ آ امنا کرینو‘ او پیدوار کریر کہ سیاسی آئینی باندات آتے ٹی سیاسی و حکومت نا قربانی تننگ مریک ولے عمران خان یا چیف جسٹس ہچ بلیک میل مفنہ ونئے گچین کاری تا بابت زوراوری اس امنا کننگک‘ مچ آ ملک اٹ گچین کاریک حکومت نا وخت انا پورو مننگ آ مریرہ‘ داسہ گچین کاری تابابت پی ٹی آئی تون پین مذاکرات کننگپک و نئے عمران خان یا چیف جسٹس نا زوراوری ءِ امنا کینہ۔ پی ڈی ایم شہبازشریف حکومت ءِ چٹفنگ کن ہم تیار ءِ ولے زوراوری نا بنداو آ تینا اصولی موقف آن پدی مفک۔
(آن لائن)