بلوچستان پولیس نا نیاڑی کارندہ غاتے نرینہ غاتا وڑاٹ اختیارتننگک‘ آئی جی پولیس

کوئٹہ : مچ آ صوبہ ٹی نیاڑی پولیس کارندہ غاتا کمتی ءِ پورو کننگ و اقلیت نا کوٹہ غا من وعن عمل کننگ کن بلوچستان پولیس منہ وخت مست اسہ خاص ءُ بھرتی اسے ٹی 290 نیاڑی و 71اقلیت آتے بھرتی کرینے۔ دا بھرتی نہ بیرہ پولیس نا استعداد کار اٹ ودفنگ اٹ کمکار مریک وخت اس کہ آپریشنل ڈیوٹی تیٹی جوانی بریک۔ آئی جی پولیس بلوچستان پارینے کہ روایت آن اینک مرسا کاریم کروئی تمک۔ و متکن آ جوڑ کروک آ کانود اٹ بدلی نا وخت بسنے۔ بلوچستان پولیس نما تینا پولیس ءِ۔ نما رکھ اکن دے و نن خواہندار ءِ۔ نن دا راج ءِ صنفی امتیاز ءِ ایسر کرسا نیاڑی ءِ ہر پڑ اٹ نرینہ غاتا وڑاٹ اختیار تروئی تمک۔ نیاڑی و اقلیت آتا بھرتی کن حکومت نا منتوار ءِ۔ کہ بھرتی کن جتا جتا مرحلہ غاتیٹی ساڑی کانودی و ایلو اڑاند آتیٹی ایسر کرسا ورنا تیکن تینے کسر آ اتنگ کن پوسکن ءُ کسر ملنگ اٹی ءُ۔

(خ ن)