ہرنائی‘ ہزارہ ڈیم اٹ ٹینکی آ دھماکہ نا مذمت ءِ کینہ‘ میر اجمل کرد

کوئٹہ: وزیر اعلیٰ بلوچستان نا کوآرڈینیٹر میر اجمل کرد ہرنائی نا علاقہ ہزارہ ڈیم اٹ دیر انا ٹینکی آ آئی ڈی دھماکہ نا مذمت ءِ کرسا پارینے کہ صوبائی حکومت دہشت گردی نا ایسری کن کل وسیلہ غاتیان کاریم ہلسا ملک دشمن آ بندغ آتے سزا ایتک۔ او پارینے کہ بلوچستان نا غیور اُلس تینا سکیورٹی فورس آتون اوار سلوک ءِ۔ میر اجمل کرد مستی پارینے کہ بزدلانہ کارروائی تیان صوبہ نا امن ءِ نسخان تننگ نا کوشست آتے بے سہب کینہ۔ او ٹھپی آ بندغ آتے زوت اس و پورو جانجوڑی کن دعا کرینے۔

(خ ن)