مچ آ ملک اٹی 24 گھنٹہ ٹی کورونا دین انا 45 پوسکن ءُ کیس رپورٹ

اسلام آباد : قومی ادارہ جان جوڑی پارینے کہ مچ آ ملک اٹی تدوک آ 24 گھنٹہ ٹی کورونا دین انا 45 پوسکن ءُ کیس رپورٹ مسنے ہرافتیان 10 ناجوڑ آتا حالیت نازرک ءِ۔ چارشنبے نادے آ این آئی ایچ نا کنڈآن جاری حساب وکتاب نارداٹ مچ آ ملک اٹی 24 گھنٹہ ٹی 4 ہزار 776 کورونا ٹیسٹ کننگا ہرافتیان 45 بندغ آتا ٹیسٹ مثبت بس، ہندا وڑ دا مد اٹی کورونا ٹیسٹ انا مثبت کچ 0.94 درسد ئسک۔ داوخت آ کورونا دین آن اسہ ناجوڑ اس زوال کرے وخت اس کہ 10 ناجوڑ آتا حالیت نازرک ءِ۔ تدوک آ 24 گھنٹہ ٹی مچ آ ملک انا شار تیٹی کروک آ کورونا ٹیسٹ آتیان اسلام آباد اٹی 369 ٹیسٹ کننگا ہرافتیان 8 بندغ آتا ٹیسٹ مثبت بس و ہموڑے کچ 2.17 درسد ئسک، ہندا وڑ لاہور اٹی 971 ٹیسٹ آتیان 22 ٹیسٹ مثبت و کچ 2.27 درسد ئسک، کراچی ٹی 243 ٹیسٹ کننگا ہرافتیان 2 ٹیسٹ مثبت بس و ہموڑے کچ 0.82 درسد ئسک وخت اس کہ ملتان اٹی کروک آ 121 ٹیسٹ آتیان اسہ ٹیسٹ اس مثبت بس و ہموڑے کچ 0.83 درسد ئسک۔

(اے پی پی)