بلوچستان، ڈاکٹر آتا چندی کیٹیگری تے کن ایڈہاک بھرتی نا منظوری
Get real time updates directly on you device, subscribe now.
کوئٹہ : وزیراعلیٰ بلوچستان میر عبدالقدوس بزنجو صوبہ نا مرمر انگا علاقہ غاتیٹی جان جوڑی نا آسراتی تا فراوانی کن اہم گام ہرفسا ڈاکٹر آتا چندی کیٹیگری ٹی خورک آسامی تیا ایڈہاک/کنٹریکٹ نا بنداو آ بھرتی نا منظوری ءِ تسنے وزیراعلیٰ دا منظوری ءِ محکمہ جان جوڑی نا کنڈآن گدریفوک آ سمری آ تس وزیراعلیٰ نا منظوری آن پد 897 ڈاکٹر آتا ایڈ ہاک /کنٹریکٹ نا بنداو آ بھرتی ءِ کننگک دا آسامی تیٹی میڈیکل آفیسر لیڈی میڈیکل آفیسر ڈینٹل سرجن اسپیشلسٹ اسسٹنٹ پروفیسر و سینئر رجسٹرار اوار ءُ ایڈہاک و کنٹریکٹ نا بنداو آ بھرتی کروک آ ڈاکٹر آتے مر مر انگا و پسماندہ علاقہ غاتیٹی تعینات کننگک دا گام انا مسخت ڈاکٹر آتا کمتی ءِ دمدستی وڑاٹ پورو کرسا الس ءِ اوفتا درگہ غا درمان نا آسراتی تا فراوانی ءِ، وزیراعلیٰ نا پیدوار پارت ءِ کہ بھرتی مروک آ ڈاکٹر آتا کوئٹہ تون اوار اسہ ہم بھلو ہسپتال اسے ٹی تقرری ءِ کننگ پننگک آسامی تیا بھرتی کن سیکرٹری جان جوڑی نا کماشی ٹی کمیٹی اس جوڑ کننگانے کمیٹی ٹی محکمہ جان جوڑی نا سینئر پروفیسر ڈاکٹر آتے اوار کننگانے بھرتی مروک آ ڈاکٹر آتا حاضری و سروس ڈیلیوری ءِ پک کننگ کن آئی ٹی ڈیپارٹمنٹ مانیٹرنگ میکنزم اس جوڑ کیک۔
(اے پی پی)