واشک‘ نادرست سلہہ بند بندغ آتا سم کاری‘ لیویز کارندہ اس زوال

خاران : واشک نا علاقہ دالی لیویز چیک پوسٹ آ نادرست بندغ آتا سم کاری آن اسہ کارندہ اس شہید و اسٹ اس ٹھپی مس۔ ورندی کارروائی ٹی جلہو گیر ٹھپی مننگ آن پد نرہنگ اٹ سرسہب مس۔ حوال نا رداٹ تدوک آ نن خاران اٹ لیویز چیک پوسٹ آ نادرست سلہہ بند بندغ آک جلہو کریر۔ ہراٹی نعمت اللہ و رحمت اللہ ٹھپی مس۔ لیویز نا جوابی کارروائی آ جلہو گیر ٹھپی مس و نرہنگ اٹ سرسہب مس۔ ٹھپی آ کارندہ غاتے ہسپتال آ گدریفنگا۔ ہراڑے نعمت اللہ زوال مس۔ واقعہ نا ڈس رسینگ انگ تون ڈپٹی کمشنر واشک و اسسٹنٹ کمشنر بسیمہ موقع آ سر مسر۔ و کارروائی ءِ بنا کریر۔ مستی کارروائی لیویز کننگ اٹی ءِ۔

(آن لائن)