دہشت گردی سیاسی مسخت آتا دوئی کننگ نا اسہ وڑ اسے‘ مولانا شیرانی

کوئٹہ : جمعیت نا راہشون مولانا محمد خان شیرانی پارینے کہ دہشت گردی آسمانی ءُ آفت اس اف وخت اس کہ سیاسی مسخت آتیکن انسانی دو تیان جوڑ مروک ءُ جہانی ءُ ڈٹ اسے۔ دا خیال آتا درشانی ءِ او جے یو آئی پاکستان ضلع ژوب نا کنڈآن ہندی ہال اٹ علما دین قبائلی کماش و سیاسی راہشون تا شعور و آگہی کانفرنس آن تران کرسا کرے۔ او پارینے کہ دنیا نا ساڑی جغرافیائی نقشہ 19 میکو کرن اٹ دا ڈیہہ آ حاکم قوت آک تینا مفاد آتا رداٹ جوڑ کریسر۔ داسہ امریکہ نا اُست خواہی ءِ کہ تینا خواہشت آتا تابع آ ڈیہہ انا ملک آتا پوسکن ءُ حد بندی اس مرے۔ دا مسخت کن او لسانی بنداو آتیا پوسکن ءُ بشخ و پانٹ کننگ نا خواہندار ءِ و ہندن محسوس مریک کہ پاکستان اوغانستان و ایران اٹ زبان تا بنداو آ پوسکن ءُ ریاست اس جوڑ کننگک۔

(آن لائن)